69 Views
କେନ୍ଦ୍ରାପଡ଼ା, ଜାନୁୟାରୀ ୦୭ : କେନ୍ଦ୍ରାପଡ଼ା ଜିଲ୍ଲା ଡେରାବିଶ ଥାନା ଅନ୍ତର୍ଗତ ଅଳାବାଙ୍କ ଛକ ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ଏଥିରେ ୫ ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଯାତ୍ରୀ ଗୁରୁତର ଭାବେ ଆହତ ହୋଇଛନ୍ତି । ମୃତକମାନେ ହେଲେ କେନ୍ଦ୍ରପଡ଼ା ରାଜନଗରର ଗୁପ୍ତିର ଦେବାଶିଷ ସେଠୀ, ବେଲତଳ ଦୀପକ ଧଳ, ରାଜେଶ ଜେନା ଓ ଡ୍ରାଇଭର ତ୍ରିଷୁ ସାହୁ । ଅନ୍ୟ ଜଣେ ମୃତକଙ୍କ ପରିଚୟ ମିଳିପାରିନାହିଁ । ସେହିପରି ଗୁରୁତର ଥିବା ବ୍ୟକ୍ତି ଅନୁଗୁଳର ସଂଗ୍ରାମ ମଲ୍ଲିକ । ସଂଗ୍ରାମଙ୍କୁ ପ୍ରଥମେ କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି। ଏମାନେ ସମସ୍ତେ କେନ୍ଦ୍ରାପଡ଼ା ସ୍ଥିତ ରୟାଲ୍ ଡ୍ୟାନ୍ସ ଏକାଡେମୀର ସଦସ୍ୟ । ଦେବାଶିଷ ରୟାଲ୍ ଡ୍ୟାନ୍ସ ଏକାଡେମୀର ସ୍ଥାୟୀ ଶିକ୍ଷକ ଥିଲେ।
ସମସ୍ତେ ଗତକାଲି ପାଣିକୋଇଲିକୁ ଯାତ୍ରା ଦେଖିବାକୁ ଯାଇଥିଲେ । ଯାତ୍ରା ଦେଖି ଫେରିବା ବେଳେ କାର୍ଟି ରାତି ପ୍ରାୟ ଦେଢ଼ଟା ବେଳେ ଅଳାବାଙ୍କ ଛକରେ ରାସ୍ତା କଡ଼ରେ ଛିଡ଼ା ହୋଇଥିବା ଏକ ଟ୍ରକ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ପାଞ୍ଚ ଜଣ ପ୍ରାଣ ହରାଇଛନ୍ତି । ଗତକାଲି ତାଙ୍କ ସ୍କୁଲ୍ରେ ଏକ କାର୍ଯ୍ୟକ୍ରମ ଥିଲା । ପ୍ରୋଗ୍ରାମ୍ ସରିବା ପରେ ସମସ୍ତେ ପାଣିକୋଇଲିକୁ ଯାତ୍ରା ଦେଖିବାକୁ ଯାଇଥିଲେ । ଫେରିବା ବାଟରେ ଦୁର୍ଘଟଣା ହୋଇଥିବା ରୟାଲ୍ ଡ୍ୟାନ୍ସ ଏକାଡେମୀର ମୁଖ୍ୟ ମହେଶ ପାଢ଼ି କହିଛନ୍ତି । କାର୍ଟି ଏତେ ଜୋରରେ ଧକ୍କା ଦେଇଥିଲା ସାମ୍ନା ପାର୍ଶ୍ୱ ସଂପୂର୍ଣ୍ଣ ଭାଙ୍ଗି ଯାଇଛି । ଆଗରେ ବସିଥିବା ଯାତ୍ରୀ ଓ ଡ୍ରାଇଭରଙ୍କୁ ବାହାର କରିବାକୁ ଗ୍ୟାସ କଟର୍ ସାହାଯ୍ୟ ନେବାକୁ ପଡ଼ିଛି ।
ରାଜେଶ ଜେନା ସେ ଚେନ୍ନାଇରେ ଚାକିରି କରନ୍ତି । ଗତକାଲି ସେ ଚେନ୍ନାଇରୁ ଫେରିଥିଲେ । ତେବେ ସେହି ଅଜଣା ଗାଡ଼ିଟି ଘଟଣା ସ୍ଥଳରୁ ଫେରାର ହୋଇଯାଇଛି । ଡେରାବିଶ ଥାନା ପୋଲିସ ମୃତ ଦେହକୁ ଜବତ କରି ତଦନ୍ତ ଆରମ୍ଭ କରିଛି ।
Prasanta Patnaik