111 Views
ରାଉରକେଲା, ୨୦ା୧୧ : କଲୁଙ୍ଗାସ୍ଥିତ ଆର୍ଆଇଟିର ଜଣେ ଡିପ୍ଲୋମା ଇଞ୍ଜିନିୟରିଂ ଛାତ୍ର ନିଖୋଜ ହୋଇ ଯାଇଥିବା ନେଇ ଛେଣ୍ଡ ଥାନାରେ ଅଭିଯୋଗ ହୋଇଛି । ପୁଲିସ ଏ ସଂକ୍ରାନ୍ତରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି । ଏହି ଛାତ୍ର ଜଣକ ଛେଣ୍ଡ କଲୋନୀରେ ରହୁଛନ୍ତି । ଆଜି ସକାଳ ପ୍ରାୟ ୬ଟା ବେଳେ ସେ ଟ୍ୟୁସନ ପଢ଼ିବାକୁ ସେକ୍ଟର-୮ରେ ଥିବା ଏକ କୋଚିଂ ସେଣ୍ଟର ଯାଇଥିଲେ ।
୮ଟା ଭିିତରେ ଘରକୁ ଫେରି ଆସିବା କଥା । ମାତ୍ର ଛାତ୍ର ଘରକୁ ଫେରି ନଥିଲେ । ଦିନ ପ୍ରାୟ ସାଢ଼େ ୧୦ଟା ବେଳେ ଛାତ୍ରଙ୍କୁ ତାଙ୍କ ପିତା ଫୋନ କରିବାରୁ ସେ କଲେଜ ଚାଲି ଯାଇଛି ବୋଲି କହିଥିଲେ । କିନ୍ତୁ କଲେଜ ଯାଇ ନଥିବା ତାଙ୍କ ପିତା ଜାଣିବାକୁ ପାଇଥିଲେ । ସକାଳ ସାଢ଼େ ୧୦ଟା ପରେ ମୋବାଇଲ ସୁଇଚ୍ ଅଫ୍ ହୋଇଯାଇଛି । ଦିନ ସାରା ବିଭିନ୍ନ ସ୍ଥାନରେ ଖୋଜାଖୋଜି କରି ନ ପାଇବାରୁ ତାଙ୍କ ପରିବାର ଲୋକେ ଛେଣ୍ଡ ଥାନାରେ ଅଭିଯୋଗ କରିଛନ୍ତିି ।