ଡାହାଣୀ ସନ୍ଦେହରେ ମହିଳାଙ୍କୁ ଠେଙ୍ଗାରେ ପିଟିପିଟି ହତ୍ୟା, ୭ ଅଭିଯୁକ୍ତ ଗିରଫ

ଜଳପାଇଗୁଡ଼ି, ଡିସେମ୍ବର ୧୧ :  ପଶ୍ଚିମବଙ୍ଗର ଜଳପାଇଗୁଡ଼ି ଜିଲ୍ଲାରେ ଡାହାଣୀ ସନ୍ଦେହରେ ଜଣେ ୬୦ ବର୍ଷୀୟା ମହିଳାଙ୍କୁ ଠେଙ୍ଗାରେ ପିଟିପିଟି ହତ୍ୟା କରାଯାଇଛି । ପୋଲିସ ଗୁରୁବାର ଏହି ସୂଚନା ଦେଇଛି । ଜଣେ ପୋଲିସ ଅଧିକାରୀ ଗଣମାଧ୍ୟମର ପ୍ରତିନିଧିଙ୍କୁ କହିଛନ୍ତି ଯେ, ଘଟଣାରେ ୨ ଜଣ ଅନ୍ୟ ମହିଳାଙ୍କୁ ମଧ୍ୟ ମାଡ଼ ମରାଯାଇଛି । ସେମାନେ ଆହତ ହୋଇଛନ୍ତି । 

ପୋଲିସ କହିଛି ଯେ, ନାଗରକତାର ବୈନାଖୋଲା ଗାଁରେ କିଛି ଲୋକ ରୋଗରେ ପଡ଼ିଥିଲେ । ସ୍ଥାନୀୟ ଲୋକଙ୍କ କହିବା ଅନୁସାରେ ଡାହାଣୀ ଯୋଗୁଁ ସେମାନଙ୍କୁ ରୋଗ ହୋଇଛି । ସେ କହିଛନ୍ତି, କିଛି ସ୍ଥାନୀୟ ଯୁବକ ୩ ଜଣ ମହିଳାଙ୍କୁ ଡାହାଣୀ ସନ୍ଦେହ କରି ମାଡ଼ ମାରିିଥିଲେ । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ୨ ଜଣ ଗୁରୁତର ହୋଇଛନ୍ତି । ସୂଚନା ମିଳିବା ପରେ ପୋଲିସ ଘଟଣାସ୍ଥଳରେ ପହଂଚି ମୃତଦେହ ଉଦ୍ଧାର କରିଥିଲା । ଘଟଣା ସହିତ ଜଡ଼ିତ ୭ ଜଣ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।