ଟ୍ରକ-ପିକ୍‌ଅପ୍ ଭ୍ୟାନ୍ ମୁହାଁମୁହିଁ ଧକ୍କା : ୬ ମୃତ, ୧୧ଆହତ

ଉତ୍ତରପ୍ରଦେଶ, ଫେବୃଆରୀ 9 : ଉତ୍ତରପ୍ରଦେଶର ଜୋନପୁର ବାରାଣାସୀ ନିକଟରେ ଟ୍ରକ-ପିକ୍‌ଅପ୍ ଭ୍ୟାନ୍ ଦୁର୍ଘଟଣାରେ ୬ଜଣଙ୍କ ମୃତ୍ୟୁ ହୋଇଥିବା ବେଳେ ୧୧ଜଣ ଆହତ ହୋଇଛନ୍ତି । ସୂଚନା ଅନୁସାରେ ଜଲାଲାପୁର ଗାଁର ୧୧୨ ବର୍ଷୀୟ ଜଣେ ବୃଦ୍ଧାଙ୍କ ମୃତ୍ୟୁ ହୋଇଯାଇଥିଲା ।

ତେଣୁ ତାଙ୍କର କୌଣସି ପୁଅ ନଥିବା କାରଣରୁ ତାଙ୍କର ଦାହ ସଂସ୍କାର କରିବା ପାଇଁ ଜ୍ୱାଇଁ ନିଜ ଗାଁରୁ ୧୭ଜଣଙ୍କୁ ନେଇ ବାରାଣାସୀ ମଣିକର୍ଣ୍ମିକା ଘାଟ ଯାଇଥିଲେ । ସେଠାରେ ସମସ୍ତ କାମ ସାରି ପିକ୍‌ଅପ୍ ଭ୍ୟାନ୍ ଯୋଗେ ନିଜ ଘରକୁ ଫେରୁଥିଲେ । ଏହି ସମୟରେ ବାରାଣାସୀ ପଟୁ ଆସୁଥିବା ଏକ ଟ୍ରକ ଧକ୍କା ଦେଇଥିଲା ।

ଯାହାଫଳରେ ଘଟଣାସ୍ଥଳରେ ହିଁ ୬ଜଣଙ୍କ ମୃତ୍ୟୁ ହୋଇଯାଇଥିବା ବେଳେ ୩ଜଣ ଗୁରୁତର ହୋଇଛନ୍ତି । ସମସ୍ତ ଆହତ ଲୋକଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ତେବେ ଘଟରାସ୍ଥଳରେ ପୋଲିସ୍ ପହଂଚି ଅଧିକ ତନାଘନା ଚଳାଇଛି ।