ଜୋର ଜବରଦସ୍ତ ସାମିଙ୍କ ଘରେ ପଶି ପାଟିତୁଣ୍ଡ କରୁଥିବାରୁ ଗିରଫ ହେଲେ ପତ୍ନୀ ହାସିନ ଜାହାଁ

ନୂଆଦିଲ୍ଲୀ : ଟିମ୍‌ ଇଣ୍ଡିଆର ଦ୍ରୁତ ବୋଲର ମହମ୍ମଦ ସାମି ଏବଂ ତାଙ୍କ ପତ୍ନୀ ହାସିନ ଜହାଁଙ୍କୁ ନେଇ ପୁଣି ଚର୍ଚ୍ଚା ଆରମ୍ଭ ହୋଇଛି । ସାମିଙ୍କ ଅମ୍‌ରୋହା ସ୍ଥିତ ଘରେ ରବିବାର ହାସିନ୍‌ ନିଜ ଝିଅ ବେବୋ ଏବଂ ତାଙ୍କ ଆୟାଙ୍କୁ ଧରି ପହଞ୍ଚିଥିଲେ । ଘର ଲୋକେ ଭିତରକୁ ଯିବା ପାଇଁ ମନା କରିଥିଲେ ମଧ୍ୟ କାହା କଥା ନ ଶୁଣି ଘର ଭିତରକୁ ପଶି ଯାଇଥିଲେ ହାସିନ । ଏହା ସହ ଗୋଟେ ରୁମ୍‌ରେ ଜୋର ଜବରଦସ୍ତ ବସି ରହିବା ସହ ସାମିଙ୍କ ପରିବାର ଏବଂ ପଡ଼େଶୀ ଆସି ତାଙ୍କୁ ଘରୁ ବାହାର କରି ଦେଇଥିଲେ । ପୁଲିସକୁ ଏ ନେଇ ସୂଚନା ମିଳିବା ପରେ ଦୁଇ ପକ୍ଷ ସହ ଆଲୋଚନା କରି ସୋମବାର ପୁଲିସ ହାସିନଙ୍କୁ ଗିରଫ କରିଥିବା ଜଣା ପଡ଼ିଛି ।