ଜିଏସ୍‌ଟି ଲାଗୁ ହେବା ପରେ ମାସିକ ଟ. ୮, ୪୦୦ ଖର୍ଚ୍ଚ କରୁଥିବା ବ୍ୟକ୍ତି ସେଥିରୁ ଟ. ୩୨୦ ବଞ୍ଚାଇ ପାରୁଛନ୍ତି

ନୂଆଦିଲ୍ଲୀ, ଡିସେମ୍ବର ୧୭ : ଜିଏସ୍‌ଟି ପ୍ରଚଳିତ ହେବା ପରେ ସାଧାରଣ ବ୍ୟବହାର୍ଯ୍ୟ ଜିନିଷ ଖରିଦ କରୁଥିବା ଜଣେ ଭାରତୀୟ ଗାର୍ହସ୍ଥ୍ୟ ମାସକୁ ଟ. ୩୨୦ ବଞ୍ଚାଇ ପାରୁଥିବା କଥା ଅର୍ଥ ମନ୍ତ୍ରାଳୟ କହିଛି। ଏ କଥା ଖାଉଟି ଖର୍ଚ୍ଚ ତଥ୍ୟା ଅନୁଶୀଳନ କରିବା ପରେ ଜଣାପଡ଼ିଛି। ୧୭ଟି ପୃଥକ୍‌ କେନ୍ଦ୍ରୀୟ ଓ ପ୍ରାଦେଶିକ ଟିକସ ସମେତ ଏକ୍‌ସାଇଜ୍‌ ଡିୟୁଟି ଏବଂ ସେଲ୍‌ସ୍‌ ଟ୍ୟାକ୍ସ ବା ଭାଟ୍‌ ମିଶ୍ରଣ କରାଯାଇ ୨୦୧୭ ମସିହା ଜୁଲାଇ ୧ ତାରିଖ ଠାରୁ ଜିଏସ୍‌ଟି ପ୍ରଚଳନ କରାଯାଇଥିଲା।

ଜଣେ ଗାର୍ହସ୍ଥ୍ୟର ଜିଏସ୍‌ଟି ପର ଓ ପୂର୍ବ ଟିକସ ହାରକୁ ଅନୁଶୀଳନ ଦର୍ଶାଉଛି ଯେ ପ୍ରାୟ ୮୩ଟି ଦ୍ରବ୍ୟ ଉପରୁ ଟିକସ ହାର ହ୍ରାସ ପାଇଛି। ସେଥିରେ ରହିଛି ଖାଦ୍ୟ ଓ ପାନୀୟ, କେଶ ତୈଳ, ଟୁଥ୍‌ପେଷ୍ଟ୍‍, ସାବୁନ, ଲୁଗାଧୁଆ ପାଉଡର୍‌ ଓ ଜୋତା ଆଦି ସାମଗ୍ରୀ। ଏ ସବୁ ବାବଦରେ ମାସକୁ ଟ. ୮, ୪୦୦ ଖର୍ଚ୍ଚ ହେଉଥିଲେ ସେଥିରେ ଜିଏସ୍‌ଟି ବାବଦରେ ଯାଉଛି ଟ. ୫୧୦।. ୮୩୦। . ୩୨୦। ।