ଜାଲ୍ ସେଟ୍ ଅପ୍ ବକ୍ସ ରାକେଟର ମାଷ୍ଟର ମାଇଣ୍ଡ୍ ଗିରଫ

ନୂଆଦିଲ୍ଲୀ :  ନଏଡା ପୁଲିସ ଏକ ଜାଲ୍ ସେଟ୍ ଅପ୍ ବକ୍ସ ବିକ୍ରି କରୁଥିବା ରାକେଟର ମାଷ୍ଟରମାଇଣ୍ଡକୁ ଗିରଫ କରିଛି। ଏହି ରାକେଟ୍ ଚଳାଉଥିବା ଗ୍ୟାଙ୍ଗ ସେକ୍ଟର ୬୩ର ‘୪ ମୁସକାନ ଇଲେକ୍ଟ୍ରୋନିକ୍ସ ପ୍ରାଇଭେଟ୍ ଲିମିଟେଡ’ ନାମକ ଏକ ଫାର୍ମ ଜରିଆରେ ସେଟ୍ ଅପ୍ ବକ୍ସ ବିକ୍ରି କରୁଥିଲା। ଏହି ରାକେଟ୍ ଅଶ୍ଳୀଳ ଚ୍ୟାନେଲ୍ ଦେଖାଇବା ସହିତ ପ୍ରତିବନ୍ଧକ ଲଗାଯାଇଥିବା ପାକିସ୍ତାନ ଚ୍ୟାନେଲକୁ ମଧ୍ୟ ସେଟ୍ ଅପ୍ ବକ୍ସ ଜରିଆରେ ଲୋକଙ୍କୁ ଦେଖାଉଥିଲେ।

ଗତକାଲି ପୁଲିସ ରେଡ୍ କରି ଏହି ରାକେଟର ମାଷ୍ଟର ମାଇଣ୍ଡ ତଥା ସିଇଓ ଫେଙ୍ଗ୍ ହୁଂଜୋକୁ ଗିରଫ କରିଛି। ଗିରଫ ବ୍ୟକ୍ତି ଚାଇନାର ନାଗରିକ ବୋଲି ଜଣାପଡ଼ିଛି। ନିକଟରେ ଡିଶ୍ ଟିଭି ସେଟ୍ ଅପ୍ ବକ୍ସ କମ୍ପାନୀ ଅଭିଯୋଗ କରିଥିଲା ଯେ ଦେୟଯୁକ୍ତ ଚ୍ୟାନେଲ ଗୁଡ଼ିକର ଫ୍ରିକ୍ୟୁଏନସି କେହି ଚୋରି କରୁଛି। ଏହାପରେ ପୁଲିସ୍ ମାମଲା ରୁଜୁ କରି ତଦନ୍ତ ଚଳାଇଥିଲା। ମଧ୍ୟପ୍ରଦେଶ, ଗୁଜରାଟ୍, ଦିଲ୍ଲୀ ଏନସିଆର, ତେଲେଙ୍ଗାନାରେ ଏହି ଜାଲ୍ ସେଟ୍ ଅପ୍ ବକ୍ସ କମ୍ପାନୀ ନିଜର ବ୍ୟବସାୟ ଚଳାଉଥିଲା।