ଲକ୍ଷ୍ନୌ, ଡିସେମ୍ବର ୨୧ : ସୁନ୍ନି ସେଣ୍ଟ୍ରାଲ ୱାକଫ ବୋର୍ଡର ଇଣ୍ଡୋ-ଇସଲାମିକ ସାଂସ୍କୃତିକ ଫାଉଣ୍ଡେସନ ଅଯୋଧ୍ୟା ଧାନିପୁରରେ ନିର୍ମାଣ ହେବାକୁ ଥିବା ମସଜିଦର ଡିଜାଇନ୍ ପ୍ରକାଶ ପାଇଛି । ଜାନୁଆରୀ ୨୬ରୁ ଏହି ମସଜିଦ ନିର୍ମାଣ ହେବ ।
ପାଞ୍ଚ ଏକର ଜମିରେ ନିର୍ମାଣ ହେବାକୁ ଥିବା ଏହି ମସଜିଦରେ ସଂଗ୍ରହାଳୟ, ଲାଇବ୍ରେରୀ ଏବଂ ସାମ୍ପ୍ରଦାୟିକ ରୋଷେଇ ଘର ରହିବ। ମସଜିଦ କମ୍ପ୍ଲେକ୍ସରେ ୩୦୦ ଶଯ୍ୟା ବିଶିଷ୍ଟ ଏକ ଡାକ୍ତରଖାନା ମଧ୍ୟ ରହିବ । ମସଜିଦର ଡିଜାଇନ୍ ପ୍ରଫେସର ଏମ.ଏମ ଅଖତରଙ୍କ ଦ୍ୱାରା ପ୍ରସ୍ତୁତ କରାଯାଇଛି। ଅଖତର ଜାମିଆ ମିଲିଆ ଇସଲାମିଆ ବିଶ୍ୱବିଦ୍ୟାଳୟର ସ୍ଥାପତ୍ୟ ବିଭାଗର ପ୍ରଫେସର।
ମସଜିଦ ନିର୍ମାଣ ପାଇଁ ଅନୁଷ୍ଠିତ ବୈଠକରେ ନିଷ୍ପତ୍ତି ନିଆଯାଇଛି ଯେ ମସଜିଦ କୌଣସି ରାଜାଙ୍କ ନାମରେ ନାମିତ ହେବ ନାହିଁ। ସନ୍ନି ୱାକଫ ବୋର୍ଡ ଦ୍ୱାରା ଅଧିଗ୍ରହଣ ହୋଇଥିବା ୫ ଏକର ଜମି ହେଉଛି ପିର ଶାହା ଗଦା ଶାହା ନାମକ ଏକ ଦର୍ଗା, ଯେଉଁଠାରେ ସମସ୍ତ ଧର୍ମ ଏବଂ ସମ୍ପ୍ରଦାୟର ଲୋକମାନେ ପରିଦର୍ଶନ କରନ୍ତି ।
ଧନୀପୁରର ଗ୍ରାମ ମୁଖ୍ୟ ରାକେଶ ଯାଦବ କହିଛନ୍ତି ଯେ ଗାଁର ଏତେ ବଡ ମସଜିଦକୁ ନେଇ ଲୋକମାନେ ଆଗ୍ରହୀ ଅଟନ୍ତି। ଗାଁର ଜନସଂଖ୍ୟା ପ୍ରାୟ ୧୩୦୦ । ଏଠାରେ ଲୋକମାନେ ସର୍ବଦା ପାରସ୍ପରିକ ସାମ୍ପ୍ରଦାୟିକ ସମନ୍ୱୟ ରକ୍ଷା କରିଆସୁଛନ୍ତି । ମସଜିଦ କମ୍ପ୍ଲେକ୍ସରେ ଏକ ଡାକ୍ତରଖାନା ନିର୍ମାଣ ନିଷ୍ପତ୍ତି ସ୍ଥାନୀୟ ବାସିନ୍ଦାଙ୍କୁ ବହୁତ ସାହାଯ୍ୟ କରିବ । ସେ କହିଛନ୍ତି ଯେ ଗାଁର ନୂତନ ମସଜିଦ ସହିତ ଏହି ଅଞ୍ଚଳର ସମସ୍ତଙ୍କ ପାଇଁ ବିକାଶର ନୂତନ ସମ୍ଭାବନା ଆସିବ। ସ୍ଥାନୀୟ ଲୋକ ମଧ୍ୟ ବିଶ୍ୱାସ କରନ୍ତି ଯେ ଗାଁର ବିକାଶ କରିବ ଏବଂ ଏଠାରେ ବାସ କରୁଥିବା ଲୋକଙ୍କ ପାଇଁ ରୋଜଗାରର ଅପାର ସମ୍ଭାବନା ସୃଷ୍ଟି କରିବ ।
ଧନୀପୁର ଗାଁର ପଣ୍ଡିତ ମଦନ ଲାଲଙ୍କର ମଧ୍ୟ ସମାନ କଥା କହିଛନ୍ତି । ଗାଁ ସବୁବେଳେ ଶାନ୍ତିପୂର୍ଣ୍ଣ ଥିଲା ଏବଂ ଧାର୍ମିକ ବିଶ୍ୱାସକୁ ନେଇ କୌଣସି ବିବାଦ ହୋଇ ନଥିଲା। ମସଜିଦ ଡିଜାଇନ କରିବାର ନିଷ୍ପତ୍ତି ବିଷୟରେ ଜାଣି ଗାଁର ଲୋକମାନେ ଖୁସି ହୋଇ ମସଜିଦ ନିର୍ମାଣକୁ ଅପେକ୍ଷା କରିଛନ୍ତି ବୋଲି ପ୍ରକାଶ କରିଛନ୍ତି ।
Prasanta Patnaik