ରାଉରକେଲା, ୧୪ା୧୦ : ରାଉରକେଲା ସ୍ଥିତ ମହାରାଜା ଅଗ୍ରସେନ ସେବା ସଂଘ ପକ୍ଷରୁ ଆୟୋଜିତ ଭଗବାନ ଅଗ୍ରସେନ ଜୟନ୍ତୀ-୨୦୧୮ ଅବସରରେ ସହରର ଶିକ୍ଷା, କ୍ରୀଡା, କଳା ଓ ବିଭିନ୍ନ ବର୍ଗରେ ଉକ୍ରୃଷ୍ଟ ପ୍ରଦର୍ଶନ କରି ସହର ତଥା ରାଜ୍ୟକୁ ଗୌରବାନ୍ୱିତ କରିଥିବା ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧନା କରାଯାଇଥିଲା ।
ଏହିକ୍ରମରେ ଉକ୍ରଳ କରାଟେ ସ୍କୁଲ ରାଉରକେଲା ଶାଖା ପ୍ରଶିକ୍ଷକ ତଥା ଜାତୀୟ ଓ ଆନ୍ତର୍ଜାତୀୟ ପଦକପ୍ରାପ୍ତ ସେନ୍ସାଇ ରାଜୀବ ସିଂଙ୍କ ୨ ଜଣ ଜାତୀୟ ପଦକପ୍ରାପ୍ତ କରାଟେକା- ଛେଣ୍ଡ ଚିନ୍ମୟ ସ୍କୁଲ ଛାତ୍ରୀ ବୋନାଲି ଦାସ ଓ ରାଉରକେଲା ଡିଏଭି ସ୍କୁଲ ଛାତ୍ର ସତ୍ୟମ ମହାନ୍ତି ଏବଂ କମନୱେଲଥ କରାଟେରେ ସ୍ୱର୍ଣ୍ଣ ପଦକପ୍ରାପ୍ତ ତଥା ରାଉରକେଲା ପୁଲିସ୍ ବିଭାଗରେ କର୍ତ୍ତବ୍ୟରତ ଅଭିଷେକ ପଟ୍ଟନାୟକ ଓ କମନୱେଲଥରେ ବ୍ରୋଞ୍ଜ ପଦକପ୍ରାପ୍ତ ଡିଏଭି ସ୍କୁଲ ଛାତ୍ରୀ ସ୍ୱାଗତିକା ସାହୁଙ୍କୁ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ରାଜ୍ୟର ମହାମହିମ ରାଜ୍ୟପାଳ ଗଣେଶୀ ଲାଲ ସମ୍ବର୍ଦ୍ଧିତ କରିଥିଲେ ।
ଏଭଳି ସମ୍ବର୍ଦ୍ଧନା କ୍ରୀଡାବିତ୍ଙ୍କୁ ଉତ୍ସାହ ପ୍ରଦାନ କରିବା ସହ ସେମାନଙ୍କୁ ଆଗକୁ ବଢିବାରେ ସହାୟକ ହେବ ବୋଲି ମତ ଦେବା ସହ ଏଭଳି ଉନ୍ନତମାନର ଆୟୋଜନ ପାଇଁ ସଂଘର କର୍ମକର୍ତ୍ତାଙ୍କୁ ଅଭିନନ୍ଦନ ଜଣାଇଛନ୍ତି ରାଜୀବ ସିଂ ।
Prasanta Patnaik