ଛାତରୁ ପଡ଼ି ଶ୍ରମିକ ଗୁରୁତର

ରାଉରକେଲା, ୧୩ା୧୦  : ରଘୁନାଥପାଲି ଥାନା ଅନ୍ତର୍ଗତ ଶିଳ୍ପାଅଞ୍ଚଳରେ ନିର୍ମାଣାଧିନ ଏକ ଛାତ ଉପରୁ ପଡ଼ି ଜଣେ ଶ୍ରମିକ ଗୁରୁତର ଭାବେ ଆହତ ହୋଇଛନ୍ତି । ଆହତ ଶ୍ରମିକଙ୍କ ହେଉଛନ୍ତି ଜମୁନାଢିପା ଅଞ୍ଚଳର କେଶବ ପାଣ୍ଡବ (୩୮) । ସେ ଶିଳ୍ପାଅଞ୍ଚଳରେ ଏକ ଛାତର ଢଳେଇ କାମ ପାଇଁ ମସଲା ଗୋଳାଉ ଥିଲେ ।

ତେବେ ତାଙ୍କ ଗୋଡ଼ ଖସିଯିବାରୁ ସେ ଛାତ ଉପରୁ ତଳକୁ ଖସି ପଡ଼ିଥିଲେ । ଫଳରେ ତାଙ୍କ ମୁଣ୍ଡ ଓ ଛାତିରେ ଗଭୀର ଆଘାତ ଲାଗିଥିଲା । ସମ୍ପୃକ୍ତ ଠିକାଦାର ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ଆରଜିଏଚ୍ ଓ ପରେ ଏକ ଘରୋଇ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥଲେ ।