ଛତିଶଗଡ଼ ଗଢକୁ କବଜା କଲା କଂଗ୍ରେସ, ବଞ୍ଚାଇ ପାରିଲା ନାହିଁ ବିଜେପି

ଏହା ସହିତ ଦୀର୍ଘ ୧୫ ବର୍ଷ ଶାସନ କରୁଥିବା ରମଣ ସିଂହ ସରକାରଙ୍କୁ କଂଗ୍ରେସ ଗାଦିଚ୍ୟୁତ୍  କରିଛି। ଛତିଶଗଡରେ ମତଗଣନା ପାଇଁ ସମସ୍ତ ୨୭ ଜିଲ୍ଲାରେ ମତଗଣନା କେନ୍ଦ୍ରରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ଏଥିରେ ନକ୍ସଲ ପ୍ରଭାବିତ ଇଲାକାରେ ମଧ୍ୟ କଡ଼ା ସୁରକ୍ଷା ମଧ୍ୟରେ ମତଗଣନା ଆରମ୍ଭ ହୋଇ ଯାଇଛି। ରାଜ୍ୟରେ ମତଗଣନା ପାଇଁ ୫୧୮୪ କାଉଟିଙ୍ଗ କର୍ମୀ ଓ ୧୫୦୦ ମାଇକ୍ରୋ ପର୍ୟ୍ୟାବେକ୍ଷକଙ୍କୁ ଦାୟିତ୍ଵ ଦିଆଯାଇଛି।  ଛତିଶଗଡ଼ରେ ଚଳିତ ବର୍ଷ ୭୬.୬୦ ପ୍ରତିଶତ ମତଦାନ ହୋଇଥିଲା। ଏଠାରେ ୧୦୭୯ ପ୍ରାର୍ଥୀ ନିର୍ବାଚନରେ ଲଢିଛନ୍ତି। ଆଜି ସବୁ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେବାକୁ ଯାଉଛି।  ୨୦୧୩ରେ ବିଜେପି ଏଠାରେ ୪୯, କଂଗ୍ରେସ ୩୯ ଓ ବିସପି-ନିର୍ଦ୍ଦଳୀୟ ଗୋଟିଏ ଲେଖାଏଁ ସିଟରେ ବିଜୟୀ ହୋଇଥିଲେ।