ମୁମ୍ବାଇ , ନଭେମ୍ବର ୦୪ : ଅମୀର ଖାନ୍,ଅମିତାଭ ବଚ୍ଚନ ଷ୍ଟାରର ମେଗା ବଜେଟ୍ର ଫିଲ୍ମ‘ଠଗ୍ସ ଅଫ୍ ହିନ୍ଦୋସ୍ତାନ୍’କୁ ଚୀନରେ ରିଲିଜ୍ କରାଯିବାର ଯୋଜନା ପ୍ରସ୍ତୁତ ହୋଇଛି। ମିଳିଥିବା ସୂଚନା ଅନୁଯାୟୀ ଏହି ଫିଲ୍ମକୁ ଚୀନର ଜଣେ ବିତରକ ଶହେ କୋଟିରେ କ୍ରୟ କରିଛନ୍ତି।
ଏବେ ଆପଣ ଜାଣିବାକୁ ଚାହିଁବେ ‘ଠଗ୍ସ ଅଫ୍ ହିନ୍ଦୋସ୍ତାନ୍’ କେବେ ଚୀନରେ ରିଲିଜ୍ ହେବ? ହଁ ଏହା ଚୀନର ନୂଆ ବର୍ଷ ଦିନ ହିଁ ରିଲିଜ୍ ହେବ। ଏହା ଫେବୃଆରି ମାସରେ ପଡ଼େ।
ଚୀନ୍ରେ ଅମୀର ଖାନ୍ଙ୍କ ପ୍ରଶଂସକଙ୍କ ସଂଖ୍ୟା ଢ଼େର ଅଧିକ ହୋଇଥିବା କାରଣରୁ ସେଠାରେ ଏହି ସିନେମା ଜବରଦସ୍ତ ବ୍ୟବସାୟ କରିବ ବୋଲି ଆଶା କରାଯାୁଛି। ଏହା ଆଗରୁ ଅମୀର ଖାନ୍ଙ୍କ ‘ଦଙ୍ଗଲ’୧୩୦୦ କୋଟି ଟଙ୍କାର ବ୍ୟବସାୟ କରିଥିଲା। ଠିକ୍ ସେହିପରି ତାଙ୍କର ଅନ୍ୟ ଏକ ସିନେମା ‘ସିକ୍ରେଟ୍ ସୁପରଷ୍ଟାର୍’୮୦୦ କୋଟି ଟଙ୍କାର କଲେକସନ୍ କରିଥିଲା। ‘ଠଗ୍ସ ଅଫ୍ ହିନ୍ଦୋସ୍ତାନ୍’ ସେହି ଧରଣର ବ୍ୟବସାୟ କରିବ ବୋଲି ଆଶା ରଖିଛନ୍ତି ନିର୍ମାତା।
ଭାରତରେ ଏହି ଫିଲ୍ମ ସୁପରହିଟ୍ ହେଲେ ୪୦୦ କୋଟି ଟଙ୍କାର ବ୍ୟବସାୟ କରି ୪ ଶହ କୋଟିଆ କ୍ଲବର ଶୁଭାରମ୍ଭ କରିବ ବୋଲି ଆଶା କରାଯାଉଛି। ଅମୀର୍ ଖାନ୍ଙ୍କ ପୂର୍ବ ଚାରିଟି ସିନେମା ୧୧୦୦ କୋଟିର ବ୍ୟବସାୟ କରିଛି। ‘ଠଗ୍ସ ଅଫ୍ ହିନ୍ଦୋସ୍ତାନ୍’ଆକଳନ ଅନୁଯାୟୀ ବ୍ୟବସାୟ କରିଲେ,୧୫୦୦ କୋଟିରେ ପହଞ୍ଚିବ ବୋଲି କୁହାଯାଉଛି।
Prasanta Patnaik