ଗତକାଲି ରାତିରେ ଯୋଗେନ୍ଦ୍ରଙ୍କ ସ୍ତ୍ରୀ ଝୁନୁଙ୍କର ଗର୍ଭଯନ୍ତ୍ରଣା ହେବାରୁ ଆଶାକର୍ମୀଙ୍କୁ ଖବର ଦେଇଥିଲେ । ମାତ୍ର ଆଶା ଦିଦି ତାଙ୍କୁ ଅଟୋରେ ନେବାକୁ ପରାମର୍ଶ ଦେଇ ନିଜର ଦାୟିତ୍ୱ ସାରିଦେଇଥିଲେ । ରାତି ପ୍ରାୟ ଗୋଟାଏ ବେଳେ ଯୋଗେନ୍ଦ୍ର ତାଙ୍କ ସ୍ତ୍ରୀକୁ ଅଟୋରେ କେନ୍ଦୁଝର ମେଡିକାଲକୁ ଆଣିଥିଲେ । ମାତ୍ର ମେଡିକାଲରେ ପହଁଚିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଡାକ୍ତରଙ୍କ ଅବହେଳାରୁ ସ୍ତ୍ରୀ ପ୍ରାଣ ହରାଇଥିବା ସେ ଅଭିଯୋଗ କରିଛନ୍ତି । ସ୍ତ୍ରୀଙ୍କ ମୃତ୍ୟୁକୁ ନେଇ ସେ ଡାକ୍ତର ଓ ଆଶାଦିଦିଙ୍କୁ ଦାୟୀ କରିଛନ୍ତି ।
ଏ ନେଇ ଚିକିତ୍ସା କରୁଥିବା ଡାକ୍ତର ଅଜୟ ମହାନ୍ତି ଅଭିଯୋଗକୁ ଖଣ୍ଡନ କରିଛନ୍ତି । ଡାକ୍ତରଖାନାରେ ପହଂଚିବା ପୂର୍ବରୁ ଝୁନୁଙ୍କର ମୃତ୍ୟୁ ହୋଇଥିବା ସେ କହିଛନ୍ତି । ରକ୍ତହୀନତା ଯୋଗୁଁ ଗର୍ଭବତୀଙ୍କର ମୃତ୍ୟୁ ହୋଇଥିବା ସେ ପ୍ରକାଶ କରିଛନ୍ତି । ଗତ ୨୬ରେ ଝୁନୁଙ୍କୁ ସ୍ତ୍ରୀ ଓ ପ୍ରସୂତି ବିଭାଗ ଡାକ୍ତର ଯାଞ୍ଚ କରିଥିଲେ । ଶରୀରରେ ରକ୍ତ କମ ଥିବାରୁ ଡାକ୍ତରଖାନାରେ ଭର୍ତ୍ତି କରିବାକୁ ପରାମର୍ଶ ଦେଇଥିଲେ । ମାତ୍ର ଯୋଗେନ୍ଦ୍ର ତାଙ୍କୁ ମେଡିକାଲରେ ନ ରଖି ଘରକୁ ନେଇ ଯାଇଥିଲେ । ତେଣୁ ଏଥିପାଇଁ ତାଙ୍କର ମୃତ୍ୟୁ ହୋଇଥିବା ଡାକ୍ତର କହିଛନ୍ତି ।
Prasanta Patnaik