ଉପରାଷ୍ଟ୍ରପତି ଭେଙ୍କେୟା ନାଇଡୁ ଚିକାଗୋରେ ସ୍ୱାମୀ ବିବେକାନନ୍ଦର ଧର୍ମ ସଂସଦରେ ଦିଆଯାଇଥିବା ଭାଷଣର ୧୨୫ବର୍ଷପୂର୍ତି ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଉଛନ୍ତି । ଏଥିରେ ନାଇଡୁ ଭାରତୀୟଙ୍କୁ ସମ୍ବୋଧିତ କରିବେ । ତେବେ ନାଇଡୁଙ୍କର ଏହା ପ୍ରଥମ ଆମେରିକା ଯାତ୍ରା ।
୧୮୮୩ରେ ଆୟୋଜିତ ବିଶ୍ୱ ଧର୍ମ ସଂସଦରେ ବିବେକାନନ୍ଦ ଓଜସ୍ୱୀ ଭାଷଣ ଦେଇଥିଲେ, ଯାହାକି ସମଗ୍ର ଦୁନିଆରେ ଚର୍ଚ୍ଚାର ବିଷୟ ହୋଇଥିଲା । ଏହି କାର୍ଯ୍ୟକ୍ରମରେ ୮୦ରୁ ଅଧିକ ରାଷ୍ଟ୍ରର୨୫୦୦ ହିନ୍ଦୁ ଯୋଗ ଦେବାକୁ ଯାଉଛନ୍ତି । ଏହି ସମାରୋହ ସେପ୍ଟେମ୍ବର ୭ରେ ଆରମ୍ଭ ହୋଇ ସେପ୍ଟେମ୍ବର ୯ରେ ଶେଷ ହେବ। ଡବ୍ଲ୍ୟୁଏଚସି ପ୍ରତି ୪ବର୍ଷରେ ଥରେ ଏହି କାର୍ଯ୍ୟକ୍ରମ ଆୟୋଜିତ କରୁଛି ।
ଡବ୍ଲ୍ୟୁଏଚସିର ସଂଯୋଜକ ଅଭୟ ଅସ୍ଥାନା କାଲି କହିଥିଲେ କି, ଚିକାଗୋରେ ଉପରାଷ୍ଟ୍ରପତି ନିଜ ସମ୍ବୋନ୍ଧନରେ ସମକାଳୀନ ବିଶ୍ୱରେ ବିବେକାନନ୍ଦଙ୍କ ଶିକ୍ଷାର ପ୍ରାସଙ୍ଗିକତା ଏବଂ ସମାଜର ପ୍ରମୁଖ ସମସ୍ୟାର ସମାଧାନରେ ତାହାକୁ କିଭଳି ଭାବରେ ଉପେଯାଗ କରାଯିବ ସେହି ବିଷୟରେ କହିବେ ।
Prasanta Patnaik