ଚଳିତବର୍ଷ ଖେଳିବେନି ଆଇପିଏଲ ସୁରେଶ ରାଇନା

ନୂଆଦିଲ୍ଲୀ, ଅଗଷ୍ଟ ୨୯ : ଚଳିତବର୍ଷ ଦୁବାଇରେ ହେବାକୁ ଥିବା ଆଇପିଏଲ୍ ମ୍ୟାଚରେ ଚେନ୍ନାଇ ସୁପରକିଙ୍ଗ୍ସର ଷ୍ଟାର କ୍ରିକେଟର ସୁରେଶ ରାଇନା ଖେଳିବେନି ବୋଲି ସୂଚନା ଦିଆଯାଇଛି । ନିଜ ବ୍ୟକ୍ତିଗତ କାରଣ ପାଇଁ ସେ ଏଥର ଦଳ ସହ ଖେଳି ପାରିବେନାହିଁ ବୋଲି କହିଛନ୍ତି ।

ସୁରେଶ ରାଇନା ଅଗଷ୍ଟ 15 ତାରିଖରେ ଅନ୍ତର୍ଜାତୀୟ କ୍ରିକେଟ୍ ପାଇଁ ବିଦାୟ ନେଇଥିଲେ। ଏହା ପରେ ସେ ଆଇପିଏଲର ସଂକ୍ଷିପ୍ତ ଅଭ୍ୟାସ ଶିବିରରେ ମଧ୍ୟ ଯୋଗ ଦେଇଥିଲେ। ସେ ଦଳର ଦୁବାଇ ଅଭିମୁଖେ ଯାଇଥିଲେ ଓ ସେଠାରେ ସିଏସକେ ଦଳ ‘ତାଜ’ରେ ରହିଛନ୍ତି।

ଚେନ୍ନାଇ ସୁପର କିଙ୍ଗ୍ସ ପାଇଁ ଏହା ଏକ ବଡ ଝଟକା ବୋଲି ବିବେଚନା କୁହାଯାଉଛି ।

ସୂଚନାନୁସାରେ, ଗୋଟିଏ ଦିନ ପୂର୍ବରୁ ଜଣାପଡିଥିଲା ​​ଯେ ଭାରତୀୟ ଦଳର ଜଣେ ଦ୍ରୁତ ବୋଲରଙ୍କ ସମେତ ଦଳର ଅନେକ କର୍ମଚାରୀ କରୋନା ପଜିଟିଭ୍ ହୋଇଛନ୍ତି ।