ରାଉରକେଲା, ୨୨ା୮ : ଘରୁ ଚୋରି କରୁଥିବା ବେଳେ ଜଣେ ମହିଳା ଲୋକଙ୍କ ହାତରେ ଧରାପଡ଼ିଛି । ଲୋକେ ତାକୁ ସେକ୍ଟର-୩ ପୁଲିସ ଜିମା ଦେଇଛନ୍ତି । ଚୋରଣୀକୁ ପୁଲିସ କୋର୍ଟ ଚାଲାଣ କରିଛି । ଦୁଇ ବର୍ଷର ଶିଶୁ ସହିିିତ ଚୋରଣୀ ଜେଲ ଯାଇଛି । ଶକ୍ତିିନଗରରେ ଅମରଜିତ ଲାକ୍ରା ନାମକ ଜଣେ ବ୍ୟକ୍ତିଙ୍କ ଘରେ ଚୋରି କରୁଥିବା ବେଳେ ଲୋକଙ୍କ ହାତରେ ଧରାପଡ଼ିଥିଲା ।
ଶ୍ରୀ ଲାକ୍ରା ଘର ଭିତରେ ବିଛଣାରେ ଗଡ଼ପଡ଼ ହେଉଥିଲେ । ଘରର କବାଟ ଖୋଲା ଥିଲା । ସେକ୍ଟର-୬ ଗୁଲଗୁଲିଆ ବସ୍ତିରେ ରହୁଥିବା ମାଳତୀ ମୋଦି ନାମ୍ନୀ ଚୋରଣୀ ହଠାତ ଘର ଭିତରକୁ ପଶି ଯାଇ ଟେବୁଲ ଉପରେ ଥିବା ଏକ ଭ୍ୟାନିଟି ବ୍ୟାଗ ଧରି ଦୌଡ଼ି ପଳାଇଥିଲା । ଶ୍ରୀ ଲାକ୍ରା ଏହା ଜାଣିପାରି ପାଟି କରିବାରୁ ଲୋକେ ମାଳତୀକୁ ଗୋଡ଼େଇ ଗୋଡ଼େଇ ଧରିଥିଲେ ।
ଭ୍ୟାନିଟି ବ୍ୟାଗରେ ଥିବା ଏଟିଏମ୍ କାର୍ଡ଼, ବ୍ୟାଙ୍କ ପାଶ ବୁକ୍ ସହିତ ଅଳ୍ପ କିଛି ଟଙ୍କା ଥିଲା । ଲୋକେ ପୁଲିସକୁ ଖବର ଦେଇଥିଲେ । ତାକୁ ଜେରା ବେଳେ ସମ୍ବଲପୁର ଗୋଲବଜାର ବାସିନ୍ଦା ବୋଲି ମାଳତୀ ପୁଲିସକୁ ସୂଚନା ଦେଇଛି । ମାଳତୀକୁ ଗିରଫ କରି କୋର୍ଟ ଚାଲାଣ କରାଯାଇଛି ।
Prasanta Patnaik