ରାଉରକେଲା, ୨ା୧ : ରାଉରକେଲା ଇସ୍ପାତ କାରଖାନା ଦ୍ୱାରା ସିଏସ୍ଆର୍ କାର୍ଯ୍ୟକ୍ରମ ଅନ୍ତର୍ଗତ ଗ୍ରାମୀଣ ଫୁଟବଲ ଟୁର୍ଣ୍ଣାମେଣ୍ଟ ନୂଆଁଗା ବ୍ଲକ୍ ଲିଣ୍ଡ୍ରା ଗ୍ରାମଠାରେ ଆୟୋଜିତ ହୋଇଯାଇଛି । ଏହି ପ୍ରତିଯୋଗିତାରେ ୩୨ଟି ଦଳ ଅଂଶ ଗ୍ରହଣ କରିଥିଲା । ପ୍ରତିଯୋଗିତାର ଉଦ୍ଯାପନୀ ଉତ୍ସବରେ ଆର୍ଏସ୍ପିର ଆଇଟି ବିଭାଗ ଜିଏମ୍ ରାମ ନାୟକ ମୁଖ୍ୟ ଅତିଥି ଭାବେ ଯୋଗଦେଇ ବିଜେତା ଓ ଉପବିଜେତା ଦଳର ଖେଳାଳିଙ୍କୁ ପୁରସ୍କାର ପ୍ରଦାନ କରିଥିଲେ ।
ଏହି ଅବସରରେ ଅର୍ଥ ବିଭାଗର ସିନିୟର ମ୍ୟାନେଜର ସୁଧାଂଶୁ ବେହେରା, ସିଏସ୍ଆର୍ ବିଭାଗ ମ୍ୟାନେଜର ଏ.କେ ପରିଡ଼ା, ବ୍ଲକ୍ ଅଧ୍ୟକ୍ଷା ଏମ୍.ଏକ୍କାଙ୍କ ସହ ସିଏସ୍ଆର ବିଭିଗର କର୍ମକର୍ତ୍ତାମାନେ ଉପସ୍ଥିତ ଥିଲେ । ଫାଇନାଲ ମ୍ୟାଚ୍ରେ ଅଙ୍କୁରପଲ୍ଲୀ ଖେମାଙ୍ଗ ଗ୍ରାମ ପଞ୍ଚାୟତ ଦଳ ନୂଆଗାଁର ଜୁନିୟର ଦଳକୁ ହରାଇ ଚାମ୍ପିଅନ୍ ହୋଇଥିଲା । ଚାମ୍ପିଅନ୍ ଦଳକୁ ଟ୍ରଫି ସହ ୬ ହଜାର ଟଙ୍କା ଓ ଉପବିଜେତା ଦଳକୁ ଟ୍ରଫି ସହ ୫ ହଜାର ଟଙ୍କା ପୁରସ୍କାର ପ୍ରଦାନ କରାଯାଇଥିଲା ।
ତେତେରକେଲା ପଞ୍ଚାୟତ ଓ ନୂଆଗାଁର କାରିମାଟି ଦଳ ତୃତୀୟ ଓ ଚତୁର୍ଥ ସ୍ଥାନ ଲାଭକରି ଯଥାକ୍ରମେ ୪ ହଜାର ଓ ୩ ହଜାର ଟଙ୍କା ପୁରସ୍କାର ପାଇଥିଲେ । ଏହି ପାଞ୍ଚଦିନିଆ ଫୁଟବଲ ଟୁର୍ଣ୍ଣାମେଣ୍ଟକୁ ଆର୍ଏସ୍ପିର ସିଏସ୍ଆର୍ ବିଭାଗ ଦ୍ୱାରା ଲିଣ୍ଡ୍ରାଗ୍ରାମ ରୀନା ସ୍ୱଂୟ ସହାୟକ ଗୋଷ୍ଠୀର ସହଯୋଗରେ ଆୟୋଜନ କରାଯାଇଥିଲା । ସିଏସ୍ଆର ବିଭାଗ ଏଜିଏମ୍ ମୁନମୁନ ମିତ୍ରା କାର୍ଯ୍ୟକ୍ରମ ସଂଯୋଜନା କରିଥିଲେ ।
Prasanta Patnaik