ନୂଆଦିଲ୍ଲୀ, ଜୁଲାଇ ୨୮: ଶିଖ ତୀର୍ଥସ୍ଥଳ ସହିତ ଜଡ଼ିତ ସ୍ଥାନ ଉପରେ ଜବରଦଖଲ କରିବାକୁ ନେଇ ପାକିସ୍ତାନର ଲାହୋରରୁ ଖବର ଆସିଛି । ପାକିସ୍ତାନରେ ଦେଖାଯାଇଥିବା ଏଭଳି ପରିସ୍ଥିତିକୁ ଭାରତ ତୀବ୍ର ବିରୋଧ କରିଛି । କ’ଣ କରତାରପୁର କରିଡର ଶିଖଙ୍କ ପ୍ରତି ସହିଷ୍ଣୁତା ଦେଖାଇବା ପାଇଁ ପାକିସ୍ତାନର କୁମ୍ଭୀର କାନ୍ଦଣା ଥିଲା । ପ୍ରକୃତରେ ପାକିସ୍ତାନରେ ସଂଖ୍ୟାଲଘୁ ସଂପ୍ରଦାୟର ଧାର୍ମିକସ୍ଥଳ ଉପରେ ଜବରଦଖଲ କରାଯାଉଛି । ଭାରତ ଲାହୋରର ନୌଲଖା ବଜାରସ୍ଥିତ ଏକ ପ୍ରସିଦ୍ଧ ଗୁରୁଦ୍ୱାରକୁ ମସଜିଦରେ ପରିବର୍ତ୍ତନ କରାଯିବା ଉଦ୍ୟମ ଖବରକୁ ନେଇ ପାକିସ୍ତାନ ଉଚ୍ଚାୟୋଗ ସମକ୍ଷ ସୋମବାର କଡ଼ା ବିରୋଧ କରିଛି । ବିଦେଶ ମନ୍ତ୍ରାଳୟର ଜଣେ ମୁଖପାତ୍ର ଏହି ସୂଚନା ଦେଇଛନ୍ତି ।
ବିଦେଶ ମନ୍ତ୍ରାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି, ପାକିସ୍ତାନ ଉଚ୍ଚାୟୋଗର ସମକ୍ଷକଙ୍କ ନିକଟରେ ଆଜି ଏହି କଥିତ ଘଟଣାକୁ ନେଇ ତୀବ୍ର ବିରୋଧ କରାଯାଇଛି । ପାକିସ୍ତାନର ଲାହୋରର ନୌଖଲା ବଜାରସ୍ଥିତ ଭାଇ ତାରୁ ସିଂହ ଜୀ ଶହାଦତସ୍ଥଳ ଗୁରୁତ୍ୱାର ‘ଶହିଦ ସ୍ଥାନ’କୁ କଥିତ ଭାବେ ମସଜିଦ ଶହିଦ ଗଂଜ ସ୍ଥାନ ହୋଇଥିବା ନେଇ ଦାବି କରାଯାଇଛି । ଏଠାରେ ଏକ ମସଜିଦ ନିର୍ମାଣ କରାଯିବା ନେଇ ଉଦ୍ୟମ ହୋଇଛି ।
Prasanta Patnaik