ଗୁଣୁପୁରରେ ପଥର ଖାଦାନରେ ବିସ୍ଫୋରଣ ଯୋଗୁଁ ୩ ଜଣଙ୍କ ମୃତ୍ୟୁ, ୬ ଗୁରୁତର

ରାୟଗ଼ଡା, ଅକ୍ଟୋବର ୧୬ : ରାୟଗଡ଼ା ଜିଲ୍ଲାର ଗୁଣୁପୁରରେ ଥାନା ଅନ୍ତର୍ଗତ ଓକିଲଗୁଡ଼ା ପଥର ଖାଦାନରେ ବିସ୍ଫୋରଣ ଯୋଗୁ ଶୁକ୍ରବାର ଅପରାହ୍ଣରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଗୁରୁତର ଆହତ ହୋଇଛନ୍ତି  ।

ଗୁଣୁପୁର ଉପଖଣ୍ଡର ଓକିଲଗୁଡ଼ାରେ ଥିବା ପଥର ଖାଦାନରେ ନିୟମିତ ବିସ୍ଫୋରଣ କରି ପଥର ଫଟାଯାଇ ଖନନ କରାଯାଇଥାଏ । ଆଜି ଅପରାହ୍ଣରେ ବିସ୍ଫୋରଣ ବେଳେ ଅଘଟଣ ହୋଇଛି । ୨ ଜଣ ମହିଳାଙ୍କ ସମେତ ୩ ଜଣ ଶ୍ରମିକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ଲୋକେ କହିଛନ୍ତି ।

ଅନ୍ୟ ୬ ଜଣ ଆହତଙ୍କୁ ଗୁଣୁପୁର ଡାକ୍ତରଖାନକୁ ନିଆଯାଉଥିବା ସେମାନେ କହିଛନ୍ତି । ତେବେ ବିସ୍ଫୋରଣ ପରେ ପ୍ରବଳ ବର୍ଷା ଆରମ୍ଭ ହୋଇଯାଇଥିବାରୁ ଉଦ୍ଧାର କାର୍ଯ୍ୟରେ ବାଧାପ୍ରାପ୍ତ ହୋଇଛି।