ଗାଜାରେ ଇସ୍ରାଏଲର ଆକ୍ରମଣ, ଟିଭି ଚ୍ୟାନେଲ ବିଲ୍ଡିଂ ଧ୍ୱଂସ

ଇସ୍ରାଏଲ, ନଭେମ୍ବର ୧୩: ଇସ୍ରାଏଲ ହାୱାଇ ଜାହାଜ ଆକ୍ରମଣରେ ଗାଜା ସ୍ଥିତ ହମାସ ଅଲ-ଅକ୍ସା ଟିଭିର ସମ୍ପୂର୍ଣ୍ଣ ବିଲ୍ଡିଂ ଧ୍ୱଂସ ହୋଇଯାଇଛି । ଏହା ଗତକାଲି ବିଳମ୍ବିତ ରାତ୍ରରେ ଘଟିଛି । ଏହା ପୂର୍ବରୁ ଇସ୍ରାଏଲ ଆକ୍ରମଣରେ ତିନିଜଣଙ୍କ ମୃତ୍ୟୁ ହୋଇଥିଲା । ଏନେଇ ସ୍ଥାନୀୟ ପ୍ରଶାସନ ତରଫରୁ ସୂଚନା ଦିଆଯାଇଛି ।

ଅନ୍ୟପକ୍ଷରେ ଇସଲାମିକ ଜିହାଦ ଇସ୍ରାଏଲର ଏହି ଆକ୍ରମଣକୁ ବିରୋଧ କରି ପ୍ରତିକ୍ରିୟା ଦେବା ପାଇଁ ଧମକ ଦେଇଛି । ହମାସ ପାଲେଷ୍ଟାଇନ କ୍ଷେତ୍ରର ସବୁଠାରୁ ପ୍ରମୁଖ ଇସଲାମୀ ଚରମପନ୍ଥୀ ସଂଗଠନ । ଏହାକୁ ୧୯୮୭ରେ ଏକ ଜନଆନ୍ଦୋଳନ ପରେ ଗଠନ କରାଯାଇଥିଲା । ଏହାପରେ ଏହି ସଂଗଠନ ପାଲେଷ୍ଟାଇନ ଅଂଚଳରୁ ଇସ୍ରାଏଲ ସେନାକୁ ହଟାଇବା ପାଇଁ ସଂଘର୍ଷ ଚଳାଇଛି । ହମାସ ଇସ୍ରାଏଲକୁ ମାନ୍ୟତା ଦେଉ ନଥିବା ସହ ଏହା ପାଲେଷ୍ଟାଇନ କ୍ଷେତ୍ରରେ ଇସଲାମିକ ରାଷ୍ଠ୍ର ସ୍ଥାପନା କରିବାକୁ ଚାହୁଁଛି ।