ଗଦାଶିଳା ସମବାୟ ସମିତି ବ୍ୟାଙ୍କ ର ସଚେତନତା ଶିବିର

ଓଡାପଡା : ଢେଙ୍କାନାଳ ଜିଲ୍ଲା ଓଡାପଡା ବ୍ଲକ ଗଦାଶିଳା ସମବାୟ ସମିତି ହଲଠାରେ ସମବାୟ ବ୍ୟାଙ୍କ ତରଫରୁ ଏକ ସଚେତନ ଶିବିର ଅନୁଷ୍ଠିତ ହୋଇଯାଇଛି  । ଏହି ଶିବିରରେ ୨୫ଟି ଏସ୍ଏଚ୍ଜି ଗ୍ରୁପ ଯୋଗ ଦେଇଥିଲେ  । ୨୫ ଟି ଗ୍ରୁପରୁ ୧୦ଟି ଗ୍ରୁପକୁ ୫୦ ହଜାର ଟଙ୍କା ଲେଖାଏଁ ଶସ୍ୟବୀମା ପ୍ରଦାନ କରାଯାଇଛି  ।

ଅନ୍ୟ ୧୫ଟି ଗ୍ରୁପକୁ ଦ୍ୱିତୀୟ କିସ୍ତିରେ ପ୍ରଦାନ କରିବାପାଇଁ ସଭାପତି ବାଳକୃଷ୍ଣ ସାହୁ କହିଛନ୍ତି । ଏହି ସଚେତନତା ଶିବିରରେ ମୁଖ୍ୟ ଅତିଥି ଭାବେ ଅନୁଗୁଳ ସେବା ସମବାୟ ବ୍ୟାଙ୍କର ଅକ୍ଷୟ କୁମାର ପୃଷ୍ଟି, ଆଦିତ୍ୟ ପ୍ରସାଦ ପତି ଯୋଗଦେଇଥିଲେ  । ସହକାରୀ କୃଷି ଅଧିକାରୀ ପ୍ରମୋଦ କୁମାର ପ୍ରଧାନ, ଗ୍ରାମ୍ୟ କୃଷି ଅଧିକାରୀ, କର୍ମଚାରୀ ହିମାଂଶୁ ଭୂଷଣ ମହାନ୍ତି, ବିନୋଦିନୀ ସାହୁ ଆଦି ଯୋଗ ଦେଇଥିଲେ । ପରିଶେଷରେ ଗଦାଶିଳା ସମବାୟ ସମିତିର ସଭାପତି ବାଳକୃଷ୍ଣ  ସାହୁ ଏସ୍ଏଚ୍ଜି ଗ୍ରୁପ ଓ ଅତିଥିମାନଙ୍କୁ ସମ୍ବର୍ଦ୍ଧନା କରିଥିଲେ  ।