ଭୁବନେଶ୍ୱର, ନଭେମ୍ବର ୦୧ : କୋରାପୁଟ ଓ ମାଲକାନଗିରିରୁ ୧୩ କୁଣ୍ଟାଲ ଗଂଜେଇ ଜବତ ହୋଇଛି । ଏହାର ମୂଲ୍ୟ ଦେଢ଼ କୋଟି ଟଙ୍କା ହେବ ବୋଲି ପୋଲିସ ପକ୍ଷରୁ କୁହାଯାଇଛି । ଓଡ଼ିଶାରୁ ଗଂଜେଇ ଆନ୍ଧ୍ର ପ୍ରଦେଶ ଚାଲାଣ କରିବାକୁ ମାଫିଆମାନେ ଯୋଜନା କରିଥିଲେ । କିନ୍ତୁ ଏହା ପୂର୍ବରୁ ସେମାନେ ପୋଲିସ ଆଗରେ ଧରାପଡ଼ିଯାଇଥିଲେ ।
ସୂଚନା ଅନୁସାରେ କୋରାପୁଟ-ମାଲକାନଗିରି ସୀମା ହନୁମାଳରୁ ପୋଲିସ ୮ କୁଇଣ୍ଟାଲ ୧୨ କିଲୋ ଗଂଜେଇ ଜବତ କରିଛି । ଏକ ବନ୍ଦ ଘରେ ଗଂଜେଇ ଥିବା ନେଇ ମାଛକୁଣ୍ଡ ଥାନା ପୋଲିସକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା । ପୋଲିସ ଅତର୍କିତ ଭାବେ ଚଢ଼ାଉ କରି ଗଂଜେଇ ଜବତ କରିଥିଲା ।
ସେହିପରି ଆନ୍ଧ୍ରପ୍ରଦେଶକୁ ଚାଲାଣ ପାଇଁ ଯୋଜନା ପ୍ରସ୍ତୁତ ହେଉଥିବା ବେଳେ ସେମିଳିଗୁଡ଼ା ପୋଲିସ ଚଢ଼ାଉ କରି ୫ କୁଇଣ୍ଟାଲ ଗଂଜେଇ ଜବତ କରିଛି । ବଡେଙ୍ଗା ଛକ ପାଖରେ ପୋଲିସ ଅତର୍କିତ ଚଢ଼ାଉ କରିବା ପୂର୍ବରୁ ମାଫିଆମାନେ ଫେରାର ହୋଇଯାଇଥିଲେ । ପୋଲିସ ଗାଡି ଯାଂଚ କରିବାରୁ ଏଥିରେ ୫ କୁଇଣ୍ଟାଲ ଗଂଜେଇ ବସ୍ତାଗୁଡ଼ିକରେ ପ୍ୟାକିଂ କରାଯାଇଥିବା ଦେଖିଥିଲା ।
Prasanta Patnaik