କୋଟିଏ ଟଙ୍କାର ୩ ଟନ୍ ଗଞ୍ଜେଇ ଜବତ

କୋରାପୁଟ, ସେପ୍ଟେମ୍ବର ୩୦: ରାଜ୍ୟରେ ଦିନକୁ ଦିନ ବେଆଇନ ଗଞ୍ଜେଇ ଚାଲାଣ ପୋଲିସ ପାଇଁ ମୁଣ୍ଡବ୍ୟଥା ହୋଇଥିବା ବେଳେ ଆଜି କୋରାପୁଟ ଲମତାପୁଟ ପିଏମ କେନ୍ଦ୍ର ନିକଟରୁ ୩ ଟନ୍ ଗଞ୍ଜେଇ ଜବତ ହୋଇଛି। ମାଛକୁଣ୍ଡ ପୋଲିସ ଦ୍ୱାରା ଟ୍ରକ ଭର୍ତ୍ତି ଗଞ୍ଜେଇ ଜବତ କରାଯାଇଥିବା ବେଳେ ଗାଡିର ଡ୍ରାଇଭର ଫେରାର ହୋଇଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ଏକ କୋଟି ଟଙ୍କା ହେବ ବୋଲି ଜଣାପଡ଼ିଛି । ଘଟଣାରେ ପୋଲିସ ତଦନ୍ତ ଜାରି ରଖିଛି। ଛତିଶଗଡର ରାୟପୁରକୁ ଏହି ଗଞ୍ଜେଇ ଚାଲାଣ ହେଉଥିଲା। ଖବର ପାଇବା ପରେ ପୋଲିସ ଏହି ଟ୍ରକ ଉପରେ ଚଢଉ କରିଥିଲା ବୋଲି ସୂଚନା ମିଳିଛି ।