କୋଟଗଡ଼ରେ ନାବାଳିକାକୁ ଦୁଷ୍କର୍ମ ଓ ହତ୍ୟା ମାମଲା: ବିଜେପି ମହିଳା ମୋର୍ଚ୍ଚାର କନ୍ଧମାଳ ବନ୍ଦ ଡାକରା

ଗତ ୨୨ ତାରିଖରେ କୋଟଗଡ଼ ହାଟପଦା ସାହିର ଏକ ୯ ବର୍ଷର ନାବାଳିକାକୁ ଗଗନ ପ୍ରଧାନ ନାମକ ଜଣେ ଯୁବକ ଉଠାଇ ନେଇ ବଳାତ୍କାର କରିବା ପରେ ଅତି ବିଭତ୍ସଭାବରେ ତଣ୍ଟି ଚିପି ହତ୍ୟା କରିଥିଲା । ତେଣୁ ଅଭିଯୁକ୍ତକୁ ଫାଶୀ ଦଣ୍ଡରେ ଦଣ୍ଡିତ କରିବା ସହିତ ମୃତ ପରିବାର ବର୍ଗକୁ ୨୦ ଲକ୍ଷ ଟଙ୍କା ସହାୟତା ରାଶି ଦେବାକୁ ବିଜେପି ଦାବି କରିଛି । ଜିଲ୍ଲାରେ ନାରୀ ନିର୍ଯ୍ୟାତନା ବଢ଼ିଥବାରୁ ଏହାକୁ ରୋକିବାରେ ଜିଲ୍ଲାପାଳ ଓ ଏସ୍‌ପି ବିଫଳ ହୋଇଛନ୍ତି । ସେଥିପାଇଁ ଜିଲ୍ଲାପାଳ ଓ ଏସ୍‌ପିଙ୍କ ଇସ୍ତଫା ଦାବି କରିଛି ଦଳ । ସେହିପରି ଦେବେନ୍ଦ୍ର କହଁରଙ୍କ ଭାଇରାଲ ଭିଡିଓକୁ ମଧ୍ୟ ଦଳ ପ୍ରତିବାଦ କରିଛି । ଏହିଭଳି ୧୦ ଦଫା ଦାବି ନେଇ ଦଳ ଆଜି ଆନ୍ଦୋଳନକୁ ଓହ୍ଲାଇଛି । କର୍ମୀମାନେ ବିଭିନ୍ନ ସ୍ଥାନରେ ପିକେଟିଂ କରିବା ସହିତ ଟାୟାର ଜାଳି ରାସ୍ତା ଅବରୋଧ କରିଛନ୍ତି ।