କେରଳ ବନ୍ୟା ଦୁର୍ଗତଙ୍କୁ ରାଉରକେଲାବାସୀଙ୍କ ଅକୁଣ୍ଠ ସହଯୋଗ ପାଇଁ ସିପିଆଇ (ଏମ୍)ର କୃତଜ୍ଞତା

ରାଉରକେଲା, ୩୧ା୮ : କେରଳରେ ଭୟଙ୍କର ବନ୍ୟା ଓ ପରବର୍ତ୍ତୀ ଭୂସ୍ଖଳନ ଯୋଗୁଁ କେଳବାସୀଙ୍କ ଅଦ୍ଭୂତପୂର୍ବ କ୍ଷୟକ୍ଷତି ତଥା ବନ୍ୟାରେ ପ୍ରାୟ ୪ ଶହ ଲୋକ ମୃତାହତ ହେବା ଏବଂ ଲକ୍ଷ ଲକ୍ଷ ଲୋକଙ୍କ ଘର ସଂସାର ଉଜୁଡିଯିବା, ଘରଶୂନ୍ୟ ହୋଇଯିବା, ଲକ୍ଷ ଲକ୍ଷ ବନ୍ୟା ବିପନ୍ନ ରିଲିଫ୍ କ୍ୟାମ୍ପରେ ରହିଥିବା ବେଳେ ସିପିଆଇ (ଏମ୍) ରାଉରକେଲା ଆଞ୍ଚଳିକ କମିଟି ଓ ରଘୁନାଥପାଲୀ ସାଙ୍ଗଠନିକ କମିଟି ପକ୍ଷରୁ ରାଉରକେଲାର ବିଭିନ୍ନ ସ୍ଥାନରେ କେରଳ ବନ୍ୟା ବିପନ୍ନଙ୍କ ପାଇଁ ରିଲିଫ୍ ସଂଗ୍ରହ ଅଭିଯାନ କରାଯାଇଥିଲା ।

ଏହି ଅଭିଯାନରେ ୭୫ ହଜାର ଟଙ୍କା ସଂଗ୍ରହ କରାଯାଇ ସିପିଆଇ (ଏମ୍) ଜିଲା କମିଟି ଜରିଆରେ କେରଳ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ପ୍ରଦାନ କରାଯାଇଛି । ଏହି ରିଲିଫ୍ ସଂଗ୍ରହ ଅଭିଯାନରେ ପାର୍ଟିର ରାଜ୍ୟ ନେତୃତ୍ୱଙ୍କ ଠାରୁ ଆରମ୍ଭ କରି ଜିଲା ଓ ଆଞ୍ଚଳିକ କମିଟିର ସଦସ୍ୟମାନେ ଯୋଗ ଦେଇଥିବା ବେଳେ ରାଉରକେଲାବାସୀ କେରଳ ବନ୍ୟା ବିପନ୍ନଙ୍କ ପାଇଁ ଅକୁଣ୍ଠ ସହଯୋଗ କରିଥିବାରୁ ରାଉରକେଲା ଆଞ୍ଚଳିକ କମିଟି ସମ୍ପାଦକ ବି.ପି. ମହାପାତ୍ର ଓ ରଘୁନାଥପାଲୀ ଆଞ୍ଚଳିକ ସାଙ୍ଗଠନିକ କମିଟି ଆବାହକ ଅରୁ ଦାସ ସମସ୍ତଙ୍କୁ କୃତଜ୍ଞତା ଜଣାଇଛନ୍ତି ।