ନୂଆଦିଲ୍ଲୀ, ନଭେମ୍ବର ୧୬ : କରୋନା ମହାମାରୀ ମଧ୍ୟରେ ପାଳିତ ହୋଇଥିବା ଦୀପାବଳିରେ ଏଥର ସମଗ୍ର ଦେଶରେ ଦେଶୀ ଉତ୍ପାଦ ବା ସାମଗ୍ରୀ ସହିତ ପାଳନ କରିବାକୁ ଗୁରୁତ୍ୱ ଦିଆଯାଇଥିଲା । ପ୍ରତିବର୍ଷ ଦୀପାବଳି ସମୟରେ ବଜାରରେ ଚାଇନା ଦ୍ରବ୍ୟ ଓ ସାମଗ୍ରୀର କିଣା ବିକା ଅଧିକ ହେଉଥିବା ବେଳେ ଚଳିତ ବର୍ଷ ଏହା ଯଥେଷ୍ଟ ହ୍ରାସ ପାଇଛି | ବ୍ୟବସାୟୀ ସଂଗଠନ CAIT ଦାବି କରିଛି ଯେ ଚଳିତ ବର୍ଷ ବ୍ୟବସାୟୀମାନେ ଚାଇନା ଦ୍ରବ୍ୟ ବର୍ଜନ କରିଥିବାରୁ ବଜାରରେ ଚଳିତ ଥର ଚାଇନା ସାମଗ୍ରୀ ଏତେ ବିକ୍ରୀ ହୋଇ ନାହିଁ ଏ ନେଇ ଚୀନକୁ ଚଳିତ ବର୍ଷ ଦୀପାବଳିରେ ପ୍ରାୟ 40 ହଜାର କୋଟି ଟଙ୍କା କ୍ଷତି ହୋଇଛି ।
କନଫେଡେରେସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (କ୍ୟାଟ୍) ର ଅଧ୍ୟକ୍ଷ ବିସି ଭାରତିଆ ଏବଂ ସାଧାରଣ ସଂପାଦକ ପ୍ରବୀଣ ଖଣ୍ଡେଲୱାଲ କହିଛନ୍ତି ଯେ ଚୀନ୍ର ସାମଗ୍ରୀ ପାଇଁ ବର୍ଜନ ଅଭିଯାନ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆତ୍ମନିର୍ଭରଶୀଳ ନୀତି ଆବେଦନ ବହୁତ ପ୍ରଭାବ ପକାଇଛି । ଯୋଗାଣର ପ୍ରମୁଖ କେନ୍ଦ୍ର ଭାବରେ ପରିଗଣିତ ହୋଇଥିବା ଦେଶର 20 ଟି ସହରରୁ ସଂଗୃହିତ ତଥ୍ୟ ଅନୁଯାୟୀ ଚଳିତ ବର୍ଷ ଦୀପାବଳି ଋତୁରେ ରେ ମୋଟ 72 ହଜାର କୋଟି ଟଙ୍କା କାରବାର ହୋଇଛି ।
ଏହି ମୁଖ୍ୟ ପାର୍ବଣ ସମୟରେ ଚୀନ୍ ସିଧାସଳଖ 40 ହଜାର କୋଟି ଟଙ୍କା କ୍ଷତିର ସମ୍ମୁଖୀନ ହୋଇଛି। ତେବେ କରୋନା ପାଇଁ ସରକାର ବାଣ ଉପରେ ପ୍ରତିବନ୍ଧକ ଲଗାଇ ଥିବାରୁ ଆମ ଦେଶର ଛୋଟ ବିକ୍ରେତା ଏବଂ କାରଖାନା ମାଲିକଙ୍କ ମାନେ 10 ହଜାର କୋଟି ଟଙ୍କା କ୍ଷତି ସହିଛନ୍ତି । ଗ୍ରାହକମାନେ ଭାରତୀୟ କମ୍ପାନୀଗୁଡିକରୁ FMCG ଉତ୍ପାଦ, ଖେଳନା, ଶକ୍ତି ଉପକରଣ, ରୋଷେଇ ସାମଗ୍ରୀ, ଉପହାର, ବାସନ, ଘଣ୍ଟା, ଆସବାବପତ୍ର ଏବଂ ସାଜସଜ୍ଜା ସାମଗ୍ରୀ କ୍ରୟ କରିଥିଲେ |
ଚଳିତ ବର୍ଷ ବ୍ୟବସାୟୀ ଏବଂ ଗ୍ରାହକମାନେ ଚୀନ୍କୁ ଭାରତକୁ ଏହାର ଉତ୍ପାଦ ପାଇଁ ଏକ ଡମ୍ପିଂ ୟାର୍ଡ ଭାବରେ ଗ୍ରହଣ ନକରିବାକୁ ଏକ ଦୃଢ ବାର୍ତ୍ତା ପଠାଇଛନ୍ତି । CAIT ର ଆହ୍ୱାନ ଅନୁଯାୟୀ ଆସନ୍ତା ବର୍ଷ ସୁଦ୍ଧା ଚାଇନାରୁ ଆମଦାନୀକୁ 1 ଲକ୍ଷ କୋଟି ହ୍ରାସ କରିବାକୁ ବ୍ୟବସାୟୀମାନେ ପ୍ରତିଶ୍ରୁତିବଦ୍ଧ । ସେ ନେଇ ବର୍ତ୍ତମାନଠାରୁ ଆରମ୍ଭ ହୋଇଗଲାଣି ସ୍ୱତନ୍ତ୍ର ଯୋଜନା ।
Prasanta Patnaik