ରାଉରକେଲା, ୧୦ା୧୧ : କୁଆଁରମୁଣ୍ଡା ସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିର ବାର୍ଷିକ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ଅଂଶଗ୍ରହଣ କରିଥିବା ଶିଶୁମାନଙ୍କୁ ୫ଟି ବିଭାଗରେ ବିଭକ୍ତ କରାଯାଇଥିଲା । ବିଭାଗ ଗୁଡିକ ମଧ୍ୟରେ ଶିଶୁ ବାଟିକା, ଶିଶୁ ବର୍ଗ, ବାଲବର୍ଗ, କିଶୋର ବର୍ଗରେ ନାମିତ କରାଯାଇଥିଲା । କୁଆଁରମୁଣ୍ଡାର ବିଶିଷ୍ଟ ସମାଜସେବୀ ସଞ୍ଜୀବ ପ୍ରତାପ ସିଂହଦେଓ ପ୍ରଦୀପ ପ୍ରଜ୍ୱଳନ କରି ଏହି କ୍ରୀଡା ଉତ୍ସବର ଉଦ୍ଘାଟନ କରିଥିଲେ । କ୍ରୀଡାରେ ୭୬ଟି ଖେଳ ଅନୁଷ୍ଠିତ ହେବା ସହ ମୋଟ ୪୨୨ ଜଣ ଖେଳାଳୀ ଅଂଶଗ୍ରହଣ କରିଥିଲେ ।
ଉତ୍ସବର ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଓଟିଭି ପ୍ରତିନିଧି ପବନ ତିୱାରୀ ମୁଖ୍ୟ ଅତିଥି ଓ ସମ୍ମାନିତ ଅତିଥି ଭାବେ ପ୍ରମେୟ ପ୍ରତିନିଧି ଆଲୋକ କୁମାର କର ଯୋଗ ଦେଇଥିଲେ । ଉତ୍ସବରେ ବିଦ୍ୟାଳୟ ସଭାପତି ଶୈଳେଶ ତିୱାରୀ, ସମ୍ପାଦକ ଗୌରାଙ୍ଗ ଚରଣ ସାହୁ, କୋଷାଧ୍ୟକ୍ଷ ଘନଶ୍ୟାମ ଦେବତା, ସହସମ୍ପାଦକ ଶଙ୍କର ପୂଜାରୀ ଉପସ୍ଥିତ ଥିଲେ ।
ଦୁଇଦିନ ଧରି ଚାଲିଥିବା କାର୍ଯ୍ୟକ୍ରମକୁ ବିଦ୍ୟାଳୟର ଶାରୀରିକ ଆଚାର୍ଯ୍ୟ ବିଦ୍ୟାଧର ବିଶ୍ୱାଳ ପରିଚାଳନା କରିଥିବା ବେଳେ ଆଚାର୍ଯ୍ୟ ନାରାୟଣ ପ୍ରସାଦ ରାୟ, ସୁରେଶ କୁମାର ଘୋଷ, ବନ୍ଦିତା ପ୍ରଧାନଙ୍କ ସମେତ ସମସ୍ତ ଗୁରୁଜୀ, ଗୁରୁମା କାର୍ଯ୍ୟକ୍ରମରେ ସହଯୋଗ କରିଥିଲେ । ଏହି ଅବସରରେ କୃତୀ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା । ସମସ୍ତ କାର୍ଯ୍ୟକ୍ରମ ବିଦ୍ୟାଳୟ ପ୍ରଧାନ ଆଚାର୍ଯ୍ୟ ଜନ୍ମେଜୟ ସୁଆରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା ।
Prasanta Patnaik