ନୂଆଦିଲ୍ଲୀ, ଜାନୁଆରୀ ୧୧ : ଦିଲ୍ଲୀର କୀର୍ତ୍ତି ନଗରସ୍ଥିତ ଏକ ଫର୍ଣ୍ଣିଚର ମାର୍କେଟରେ ଗୁରୁବାର ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ଲକ୍ଷାଧିକ ଟଙ୍କାର ଜିନିଷ ପତ୍ର ପୋଡ଼ି ପାଇଁଶ ହୋଇ ଯାଇଛି । ସୂଚନା ମିଳିବା ପରେ ଫାୟାର ବିଗ୍ରେଡର ୧୦ ଗାଡ଼ି ପହଂଚି ନିଆଁକୁ ଆୟତ୍ତ କରିଛି । ଜାତୀୟ ଖବର ସଂସ୍ଥାର ରିପୋର୍ଟ ଅନୁସାରେ ରାତି ସାରା ପରିଶ୍ରମ କରିବା ପରେ ଆଗ୍ନିକ ମାନେ ନିଆଁ ଲିଭାଇ ପାରିଛନ୍ତି ।
ଗଣମାଧ୍ୟମର ରିପୋର୍ଟ ଅନୁସାରେ ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ଫର୍ଣ୍ଣିଚର ନିଆ ଲାଗି ପୋଡ଼ି ପାଉଁଶ ହୋଇ ଯାଇଛି । ମାତ୍ର ନିଆଁରେ ଫସିଥିବା ଲୋକଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି । ନିଆଁ ଲାଗିବାର କାରଣ ରିପୋର୍ଟ ଲେଖାଯିବା ପର୍ଯ୍ୟନ୍ତ ଜଣାପଡ଼ି ନାହିଁ ।
ଗୁରୁବାର-ଶୁକ୍ରବାର ରାତି ନିଆଁ ଲାଗିବା ପରେ ଦୋକାନୀମାନେ ମଧ୍ୟ ନିଆଁ ଲିଭାଇବାକୁ ପହଂଚିଥିଲେ । ସୂଚନାଯୋଗ୍ୟ ଗତ ଡିସେମ୍ବର ମାସରେ ମଧ୍ୟ ଏହି ଅଂଚଳରେ ନିଆଁ ଭୟାବହ ଅଗ୍ନିକାଣ୍ଡ ହୋଇଥିଲା । ସେହି ସମୟରେ ବି ବ୍ୟବସାୟୀ ମାନେ ଲକ୍ଷାଧିକ ଟଙ୍କାର ଜିନିଷ ପତ୍ର ହରାଇଥିଲେ ।
Prasanta Patnaik