ମୁମ୍ବାଇ : ଐଶ୍ୱର୍ଯ୍ୟା ନାଚୁ ଥିଲେ। ଏହି ସମୟରେ ତାଙ୍କ କାନରୁ ରକ୍ତ ବାହାରିଥିଲା। ତେବେ ସେ ନୃତ୍ୟ ବନ୍ଦ କରି ନଥିଲେ। ଶୁଟିଂ ଶେଷ ହେବା ପରେ ବି ସେ ଏ କଥା କାହାକୁ ଜଣାଇ ନଥିଲେ। ତେବେ ପଛରେ ଏ ବିଷୟରେ ଜଣାପଡ଼ିଥିଲା। ଘଟଣାଟି ହେଉଛି ୧୭ ବର୍ଷ ତଳର, ଯେତେବେଳେ ‘ଦେବଦାସ’ ଫିଲ୍ମର ଶୁଟିଂ ଚାଲିଥିଲା।
ଏହି ଫିଲ୍ମରେ ‘ଡୋଲା ରେ ଡୋଲା’ରେ ବୋଲି ଗୀତଟିଏ ଅଛି, ଯାହା ଖୁବ୍ ପ୍ରସିଦ୍ଧ। ଏହି ଗୀତରେ ନୃତ୍ୟ କରିଥିଲେ ଐଶ୍ୱର୍ଯ୍ୟା ଓ ମାଧୁରୀ ଦୀକ୍ଷିତ। ତେବେ ଆପଣମାନେ ପଚାରିବେ, ଐଶ୍ୱର୍ଯ୍ୟାଙ୍କ କାନରୁ କାହିଁକି ରକ୍ତ ବାହାରିଲା? ଏହି ଗୀତ ଶୁଟ୍ ବେଳେ ସେ ଖୁବ୍ ଓଜନିଆ ଇୟରରିଙ୍ଗ୍ସ ପିନ୍ଧିଥିଲେ। ସେଥିପାଇଁ କାନରୁ ରକ୍ତ ବାହାରିଥିଲା ବୋଲି ଜଣାପଡ଼ିଥିଲା।
ସଞ୍ଜୟ ଲୀଲା ଭଂସାଲୀଙ୍କ ନିର୍ଦ୍ଦେଶିତ ଶାହାରୁଖ୍ ଖାନ୍, ମାଧୁରୀ ଦୀକ୍ଷିତ ଓ ଐଶ୍ୱର୍ଯ୍ୟା ରାୟ ଅଭିନୀତ ‘ଦେବଦାସ’ ଫିଲ୍ମକୁ ଚଳିତ ମାସରେ ୧୭ ବର୍ଷ ପୂରିଛି। ୨୦୦୨ ଜୁଲାଇ ୧୨ ତାରିଖରେ ଏ ଫିଲ୍ମ ରିଲିଜ୍ ହୋଇଥିଲା। ସେତେବେଳେ ଏହି ଫିଲ୍ମର ବଜେଟ୍ ୫୦ କୋଟି ଟଙ୍କା ଥିଲା। ଫିଲ୍ମର ସେଟ୍ ନିର୍ମାଣ କେବଳ ୨୦ କୋଟି ଟଙ୍କା ଖର୍ଚ୍ଚ ହୋଇଥିଲା। ସେହିଭଳି ଏଥିରେ ମାଧୁରୀ ଓ ଐଶ୍ୱର୍ଯ୍ୟାଙ୍କ ପ୍ରତିଟି ପୋଷାକର ମୂଲ୍ୟ ପାଖାପାଖି ୧୦ ରୁ ୧୫ ଲକ୍ଷ ଟଙ୍କା ଥିଲା।
Prasanta Patnaik