କରୋନା ମୁକାବିଲା କରୁଥିବା କରୋନା ଯୋଦ୍ଧାଙ୍କ ମୃତ୍ୟୁ

ଖୋର୍ଦ୍ଧା, ଅଗଷ୍ଟ ୧୦ : ଖୋର୍ଦ୍ଧା ଜିଲ୍ଲା ପୋଲିସର କୋରୋନାରେ ଆଉ ଜଣେ ପୁଲିସ କର୍ମଚାରୀଙ୍କ ମୃତ୍ୟୁ ହୋଇଛି । ବାଣପୁର ଥାନା ଅଧୀନସ୍ଥ ଗମ୍ଭାରୀମୁଣ୍ଡା ଫାଣ୍ଡିର ଜଣେ ପୁଲିସ ଅଧିକାରୀ ମୁରଲୀଧର ବଳିଆରସିଂ କରୋନାରେ ମୃତ୍ୟୁ ବରଣ କରିଛନ୍ତି । ଏନେଇ ଖୋର୍ଦ୍ଧା ଜିଲ୍ଲା ଆରକ୍ଷୀ ଅଧିକ୍ଷକ ସୂଚନା ଦେଇଛନ୍ତି । ସ୍ୱର୍ଗତ ବଳିଆରସିଂଙ୍କ ଘର ଖୋର୍ଦ୍ଧା ଜିଲ୍ଲା ବୋଲଗଡ ଥାନା ବାଙ୍କୋଇ ଅଞ୍ଚଳରେ । ତେବେ ସେ କରୋନା ପଜିଟିଭ ଚିହ୍ନଟ ହୋଇ ଭୁବନେଶ୍ୱରର ସମ କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ । ସେଠାରେ ତାଙ୍କର ଚିକିତ୍ସା ଚାଲୁଥିବାବେଳେ ଆଜି ତାଙ୍କର ମୃତ୍ୟୁ ହୋଇଛି । ଆଜି ଅପରାହ୍ନରେ ତାଙ୍କ ପାର୍ଥୀବ ଶରୀରକୁ ଖୋର୍ଦ୍ଧା ରିଜର୍ଭ ପୁଲିସ ଲାଇନକୁ ଅଣାଯାଇ କୋଭିଡ ଗାଇଡଲାଇନ ଅନୁଯାୟୀ ଗାର୍ଡ ଅଫ ଅନର ଦିଆଯାଇଥିଲା । ଜିଲ୍ଲାପାଳ, ଆଡିସନାଲ ଏସପି, ଏସଡିପିଓ ଖୋର୍ଦ୍ଧା ଓ ବାଲୁଗାଁ ଆଇଆଇସି, ଖୋର୍ଦ୍ଧା ଆରଆଇ, ସର୍ଜେଣ୍ଟ, ପୋଲିସ୍ ବିଭାଗର ଅନ୍ୟାନ୍ୟ ଅଧିକାରୀ ଓ ଫୋର୍ସ ଉପସ୍ଥିତ ଥିଲେ । ଶେଷରେ ଭୁବନେଶ୍ୱର ସତ୍ୟ ନଗର ସ୍ମଶାନରେ ତାଙ୍କ ଶେଷକୃତ୍ୟ ସମ୍ପନ୍ନ ହୋଇଥିଲା ।