କନ୍ଧମାଳ ପୋଲିସର ଏନକାଉଂଟର, ଦୁର୍ଦ୍ଦାନ୍ତ ଗଂଜେଇ ମାଫିଆ ମୁନା ଦିଗାଲ ଆହତ

ସୂଚନା ମୁତାବକ, ଗତକାଲି ବିଳମ୍ବିତ ରାତିରେ ନାରାୟଣ ପାହାଡ ନିକଟ ବ୍ରାହ୍ମଣୀ ଜଙ୍ଗଲରେ ପୋଲିସ ଏନକାଉଂଟରରେ ମୁନା ଦିଗଲ ଆହତ ହୋଇଛି । ଗୋଚ୍ଛାପଡା ଆଇଆଇସିଙ୍କୁ ଆକ୍ରମଣ ଘଟଣାରେ ପୋଲିସ ମୁନାକୁ ଧରିବାକୁ ଯାଇଥିବାବେଳେ ପୋଲିସ ଉପରକୁ ପ୍ରଥମେ ମୁନା ଗୁଳି ଚଳାଇଥିଲା  । ମୁନା ତିନିରାଉଣ୍ଡ ଗୁଳି ଚଳାଇ ଖସିଯିବାକୁ ବସିଥିବାବେଳେ ପୋଲିସ ତାକୁ ଧରିବାରେ ସଫଳ ହୋଇଛି । ମୁନା ଜଣେ ଗଂଜେଇ ମାଫିଆ । ଏହି ଅପରାଧୀ ନାମରେ ବିଭିନ୍ନ  ଥାନାରେ ୧୧ରୁ ଅଧିକ ସଙ୍ଗୀନ ମାମଲା ରହିଛି ।

ସୂଚନାଯୋଗ୍ୟ କି, ଗତ ୨ ତାରିଖରେ ଗୋଚ୍ଛାପଡା ଆଇଆଇସି ମୃତ୍ୟୁଂଜୟ ପ୍ରଧାନଙ୍କ ଉପରେ ମୁନା ଆକ୍ରମଣ କରିଥିଲା । ସେହିଦିନ ଠାରୁ ମୁନାକୁ ଧରିବାକୁ ପୋଲିସ ଉଦ୍ୟମ ଜାରି ରଖିଥିବାବେଳେ ଗତକାଲି ତାକୁ ଧରିବାରେ ସକ୍ଷମ ହୋଇଛି ।