କନ୍ଧମାଳ ଘଟଣାର ପୂନରାବୃତି, ଗର୍ଭବତୀ ହେଲେ ଆଶ୍ରମ ସ୍କୁଲ ଛାତ୍ରୀ

ଆଜି ଢେଙ୍କାନାଳ ସହରରେ ଥିବା ଏକ ସେବାଶ୍ରମରେ ଜଣେ ଅଷ୍ଟମ ଶ୍ରେଣୀ ଛାତ୍ରୀ ଗର୍ଭବତୀ ହୋଇଥିବା ଅଭିଯୋଗ ହୋଇଛି । ଏନେଇ ବିଦ୍ୟାଳୟର ପ୍ରଧାନ ଶିକ୍ଷକ ଜନାର୍ଦ୍ଦନ ସାମଲ ଥାନାରେ ଅଭିଯୋଗ କରିଛନ୍ତି  । ଏହି ଘଟଣା ସାମ୍ନାକୁ ଆସିବା ପରେ ଚର୍ଚ୍ଚା ଜୋର ଧରିଛି । ପୋଲିସ ମଧ୍ୟ ଏତଲାକୁ ଭିତି କରି ତଦନ୍ତ ଆରମ୍ଭ କରିଛି  ।

ସୂଚନାଯୋଗ୍ୟ କି, ଗତ କିଛିଦିନ ତଳେ କନ୍ଧମାଳରେ ଏକ ଆଶ୍ରମ ସ୍କୁଲରେ ଜଣେ ଅଷ୍ଟମ ଶ୍ରେଣୀ ଛାତ୍ରୀ ପ୍ରସବ କରିଥିବା ଖବର ଆସିଥିଲା । ଯାହାକୁ ନେଇ ଜିଲ୍ଲାରେ ଅସନ୍ତୋଷ ପ୍ରକାଶ ପାଇଥିଲା । ଏହି ଘଟଣାରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀଙ୍କ ସମେତ ୮ଜଣଙ୍କୁ ନିଲମ୍ବନ କରାଯାଇଥିଲା ।