ଓପିଏସ୍ସିରେ ରାଉରକେଲା ମାନସ ୪ର୍ଥ

ରାଉରକେଲା, ୨୧ା୧୨  : ଓପିଏସ୍ସି ପରୀକ୍ଷାରେ ରାଉରକେଲାର ମାନସ ରଞ୍ଜନ ସାହୁ ୪ର୍ଥ ସ୍ଥାନ ହାସଲ କରିଛନ୍ତି । ସେ ୟୁପିଏସ୍ସି ମେନ୍ ପରୀକ୍ଷାରେ ମଧ୍ୟ ଉତ୍ତୀର୍ଣ୍ଣ ହେବା ସହ ମୌଖିକ ପରୀକ୍ଷାକୁ ଅପେକ୍ଷା କରିଥିଲେ । ସ୍ଥାନୀୟ ସିଭିଲ୍ ଟାଉନ୍ସିପରେ ରହୁଥିବା ବ୍ୟବସାୟୀ ମହେନ୍ଦ୍ର ସାହୁ ଓ ଇନ୍ଦୁ ସାହୁଙ୍କ ପୁଅ ହେଉଛନ୍ତି ମାନସ । ମାନସ ଏସ୍ବିଆଇର ବାଣିଜ୍ୟିକ ଶାଖାରେ ପ୍ରୋବେସନାରୀ ଅଧିôକାରୀ ଭାବେ ଯୋଗ ଦେଇଥିଲେ । ମାନସ ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟର ଛାତ୍ର । ପରେ ଦିଲ୍ଲୀ ଆଇଆଇଟିରୁ ଇଲେକ୍ଟ୍ରିକାଲ ଇଞ୍ଜିନିୟରିଂରେ ବିଟେକ୍ କରି ଆଇଏଏସ୍ ପାଇଁ ଉଦ୍ୟମ କରିବା ସହ ଓଏଏସ୍ ପାଇଁ ଓପିଏସ୍ସି ପରୀକ୍ଷାରେ ୪ର୍ଥ ସ୍ଥାନ ହାସଲ କରିଛନ୍ତି । ସେ ଭାରତୀୟ ପ୍ରଶାସନିକ ସେବା (ଆଇଏଏସ୍)ରେ ଯୋଗ ଦେବା ପାଇଁ ଲକ୍ଷ୍ୟ ରଖିଛନ୍ତି । ମେନ୍ ପରୀକ୍ଷାରେ ପାସ୍ କରିଥିବା ବେଳେ ସାକ୍ଷାତକାର ପରୀକ୍ଷା ପାଇଁ ପ୍ରସ୍ତୁତି ଚଳାଇଛନ୍ତି ।