ଓଡାପଡାରେ ନୂତନ ବିଇଓଙ୍କ ଯୋଗଦାନ: ଶିକ୍ଷକ ଶିକ୍ଷୟତ୍ରୀ ୨ମାସର ଦରମା ନପାଇ ହନ୍ତସନ୍ତ

ଢେଙ୍କାନାଳ : ଢେଙ୍କାନାଳ ଜିଲ୍ଲା ଓଡାପଡା ବ୍ଲକ  ଶିକ୍ଷାଧିକାରୀଙ୍କ ଅବସର ଗ୍ରହଣ ପରେ ନୂତନ ବିଇଓ ଭାବେ କାମାକ୍ଷାନ୍ଗର ସାରଙ୍ଗଧର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ରଞ୍ଜନ କୁମାର ଦାସଙ୍କୁ ଅବସ୍ଥାପିତ କରାଯାଇଥିବାର ଜଣାପଡିଛି । ଗତ ଏପ୍ରିଲ ୩୦ ତାରିଖରୁ ବିଇଓ ନମିତା ଦାସ ଅବସର ଗ୍ରହଣ କରିଥିବା ବେନେ ମାସଶେଷ ହେବାକୁ ଯାଉଥିବା ବେଳେ ନୂତନ ବିଇଓ ଯୋଗଦାନ କରିନାହାଁନ୍ତି ।

ସେହିପରି ଏଠାରେ କାର୍ଯ୍ୟରତ କର୍ମଚାରୀ ସତ୍ୟନାରାୟଣ ମିଶ୍ର ଛୁଟିରେ ରହିଥିବା ବେଳେ କୌଣସି କାର୍ଯ୍ୟ ହୋଇପାରୁ ନାହିଁ । ଫଳରେ ଗତ ୨ ମାସ ହେବ ଶିକ୍ଷକ ଶିକ୍ଷୟତ୍ରୀମାନେ ଦରମା ନପାଇ ହନ୍ତସନ୍ତ ହେଉଥିବାର ଜଣାପଡିଛି । ଏ ଦିଗରେ ତୁରନ୍ତ ପଦକ୍ଷେପ ଗ୍ରହଣ କରିବାକୁ ଦାବୀ କରାଯାଇଛି ।