ଓଡ଼ିଶାରେ ରହିଛି ୨ ଜାଲ୍‌ ବିଶ୍ୱବିଦ୍ୟାଳୟ, ନାମ ଲେଖାରୁ ରୁହନ୍ତୁ ସାବଧାନ

ଭୁବନେଶ୍ୱର  :   ଜାଲ ବିଶ୍ୱ ବିଦ୍ୟାଳୟ ତାଲିକାରେ ରହିଛି ଓଡ଼ିଶାର ଦୁଇଟି ଶିକ୍ଷାନୁଷ୍ଠାନ । ଏହି  ୨ ଶିକ୍ଷାନୁଷ୍ଠାନ ହେଲା ବାରିପଦାରେ ଥିବା ନର୍ଥ ଓଡ଼ିଶା ୟୁନିଭର୍ସିଟି ଅଫ୍ ଏଗ୍ରିକଲଚର ଆଣ୍ଡ ଟେକ୍ନୋଲୋଜି ଏବଂ ରାଉରକେଲାର ନବ ଭାରତ ଶିକ୍ଷା ପରିଷଦ ୟୁଜିସି । ସାରା ଦେଶରେ ସମୁଦାୟ ୨୩ଟି ଜାଲ୍ ବିଶ୍ୱବିଦ୍ୟାଳୟର ତାଲିକା ପ୍ରକାଶ ପାଇଛି ।  ଏହି ତାଲିକାରେ ଓଡ଼ିଶାର ଏହି ଦୁଇଟି ଶିକ୍ଷାନୁଷ୍ଠାନର ନାମ ରହିଛି।

ଏସବୁ ଶିକ୍ଷାନୁଷ୍ଠାନରେ ନାମ ନ ଲେଖାଇବା ପାଇଁ ୟୁଜିସି ପକ୍ଷରୁ ଛାତ୍ରଛାତ୍ରୀ ଓ ଅଭିଭାବକଙ୍କୁ ସତର୍କ କରାଇ ଦିଆଯାଇଛି । ଜାଲ୍ ବିଶ୍ୱବିଦ୍ୟାଳୟ ତାଲିକାରେ ଉତ୍ତରପ୍ରଦେଶର ସର୍ବାଧିକ ୮ଟି ଶିକ୍ଷାନୁଷ୍ଠାନ ଥିବା ବେଳେ ଦିଲ୍ଲୀର ୭ଟି କେରଳ, କର୍ଣ୍ଣାଟକ, ମହାରାଷ୍ଟ୍ର ଓ ପୁଡୁଚେରୀର ଗୋଟିଏ ଲେଖାଏଁ ଶିକ୍ଷାନୁଷ୍ଠାନ ରହିଛନ୍ତି।