ରାଉରକେଲା, ୧୩ା୧୨ : ଜଗଦାସ୍ଥିତ ଏମ୍ ଜିଏମ୍ ଇଂରାଜୀ ମାଧ୍ୟମ ବିଦ୍ୟାଳୟର ୪୬ତମ ବାର୍ଷିକ କ୍ରୀଡ଼ା ଉତ୍ସବ ସେକ୍ଟର-୬ସ୍ଥିତ ଇସ୍ପାତ ଷ୍ଟାଡିୟମ୍ରେ ଅନୁଷ୍ଠିତ ହୋଇଯାଇଛି । ଉତ୍ସବରେ ମୁଖ୍ୟ ଅତିଥି ଭାବେ ଜୋନ୍-୧ ଡିଏସ୍ପି ଜ୍ୟୋତିର୍ମୟ ଭୁକ୍ତା ଯୋଗ ଦେଇ ଉତ୍ସବର ଆନୁଷ୍ଠାନିକ ଉଦ୍ଘାଟନ କରିବା ସହ ପାଠପଢ଼ା ସହ କ୍ରୀଡ଼ାର ଆବଶ୍ୟକ ରହିଛି ବୋଲି କହିଥିଲେ । ଛାତ୍ରଛାତ୍ରୀମାନେ ଭବିଷ୍ୟତରେ ଜଣେ ଜଣେ ସୁନାଗରିକ ହୋଇ ବିଦ୍ୟାଳୟ ଓ ପିତାମାତାଙ୍କର ନାମ ଉଜ୍ୱଳ କରିବା ପାଇଁ ପରାମର୍ଶ ଦେଇଥିଲେ ।
ବିଦ୍ୟାଳୟ ଅଧ୍ୟକ୍ଷ ଫାଦର ଭି ଡାନିଏଲ୍ ଉତ୍ସବରେ ପ୍ରାରମ୍ଭିକ ସୂଚନା ଦେଇଥିବା ବେଳେ ବିଦ୍ୟାଳୟ ଉପାଧ୍ୟକ୍ଷ ଫାଦର ଜନ୍ ଯାକବ୍ ଉଦ୍ବୋଧନ ଦେଇଥିଲେ । ଏହି କ୍ରୀଡ଼ା ପ୍ରତିଯୋଗିତା ୪ଟି ଗ୍ରୁପ୍ରେ ଅନୁଷ୍ଠିତ ହୋଇଥିଲା । ଏହି ୪ଟି ଗ୍ରୁପ୍ରେ ଛାତ୍ରଛାତ୍ରୀ ବହୁ ସଂଖ୍ୟାରେ ଅଂଶଗ୍ରହଣ କରିଥିଲେ । ଟ୍ରାକ୍ ଇଭେଣ୍ଟ୍ସ, ଫିଲ୍ଡ ଇଭେଣ୍ଟ୍ସ ଓ ଇଣ୍ଟର୍ ହାଉସ୍ ରିଲେ ରେସ୍ ଆଦି ବର୍ଗରେ ପ୍ରତିଯୋଗିତାମାନ ହୋଇଥିଲା । ବରିଷ୍ଠ ଶିକ୍ଷକ ଶୁଭାଶିଷ ଜେନା କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଶ୍ୟାମସନ୍ ଲାକ୍ରା ଧନ୍ୟବାଦ ପ୍ରଦାନ କରିଥିଲେ ।
Prasanta Patnaik