ଉପକମିଶନରଙ୍କୁ ଭେଟିଲେ ଆରଏମ୍ସି ମାର୍କେଟ ବ୍ୟବସାୟୀ

ରାଉରକେଲା, ୧/୭: ଉଦିତନଗର ମିନିଷ୍ଟାଡିୟମକୁ ଲାଗି ରହିଥିବା ଆରଏମସସି ମାର୍କେଟର ବିଭିନ୍ନ ସମସ୍ୟାକୁ ସମ୍ପର୍କରେ ବ୍ୟବସାୟୀମାନେ ଆରଏମସି ଉପକମିଶନର ସୁଷମା ବିଲୁଙ୍ଗଙ୍କୁ ସାକ୍ଷାତ କରିଛନ୍ତି । ବର୍ଷା ସମୟରେ ଦୋକାନରେ ପାଣି ଗଳି ବହୁ ଅସୁବିଧା ସୃଷ୍ଟି ହେଉଛି । ଏଭଳିକି ଦୋକାନରେ ଥିବା ସମସ୍ତ ସାମଗ୍ରୀ ବର୍ଷା ପାଣିରେ ଭିଜି ସମ୍ପୂର୍ଣ୍ଣ ନଷ୍ଟ ହୋଇ ଯାଉଛି ।

ଫଳରେ ବ୍ୟବସାୟୀମାନେ ବହୁ କ୍ଷୟକ୍ଷତିର ସମ୍ମୁଖୀନ ହେଉଛନ୍ତି । ମାର୍କେଟ୍ କମ୍ପେ୍ଲକ୍ସରେ ଉନ୍ନତମାନର କାମ ହୋଇ ନଥିବାରୁ ଏଭଳି ସମସ୍ୟା ଉପୁଜୁଥିବା ବ୍ୟବସାୟୀମାନେ ଅଭିଯୋଗ କରିଛନ୍ତି । ଏହାର ପ୍ରତିକାର ପାଇଁ ପଦକ୍ଷେପ ଗ୍ରହଣ କରାଯିବ ବୋଲି ଉପକମିଶନର ଶ୍ରୀମତୀ ବିଲୁଙ୍ଗ ସମ୍ପୃକ୍ତ ବ୍ୟବସାୟୀମାନଙ୍କୁ ନିର୍ଭର ପ୍ରତିଶ୍ରୁତି ଦେଇଛନ୍ତି । ଉପକମିଶନରଙ୍କୁ ସାକ୍ଷାତ କରିଥିବା ଦଳରେ ମଙ୍ଗଳମୟ ଦାସ, ଜିତୁ ପଟ୍ଟନାୟକ, ଅମରେନ୍ଦ୍ର ସ୍ୱାଇଁ, କୁନା ଚୋ÷ଧୁରୀ, ମନୋଜ ପାତ୍ର, କୁଶ ବେହେରା, ଅନୀଲ ସାହୁ, ବାବୁଲି ମିଶ୍ର, ସୂର୍ଯ୍ୟମଣି ପ୍ରଧାନ, ମହେଶ୍ୱର ସାହୁଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ ।