ଇଣ୍ଡୋ ଇଂରାଜୀ ବିଦ୍ୟାଳୟର ବାର୍ଷିକ କ୍ରୀଡ଼ା ଉତ୍ସବ

ରାଉରକେଲା, ୨୦ ।୧୨  : ଇଣ୍ଡୋ ଇଂରାଜୀ ବିଦ୍ୟାଳୟର ବାର୍ଷିକ କ୍ରୀଡ଼ା ଉତ୍ସବ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ଏହି ବାର୍ଷିକ କ୍ରୀଡା ଉତ୍ସବରେ ବିଦ୍ୟାଳୟର ପ୍ରତିଷ୍ଠାତା ଅଧ୍ୟକ୍ଷା ମଞ୍ଜୁ ମୁଖାର୍ଜୀ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ । ଏଥିରେ ବିପିୟୁଟି ରେଜିଷ୍ଟ୍ରାର୍ ହିମାଂଶୁ ଶେଖର ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀଙ୍କ ଜୀବନରେ କ୍ରୀଡ଼ାର ଭୂମିକା ଉପରେ ସୁଚିନ୍ତିତ ମତ ପ୍ରଦାନ କରିଥିଲେ । ଏହି ଅବସରରେ ଜାତୀୟ ଆଥ୍ଲେଟିକ୍ କୋଚ୍ ପି.ଏନ୍. ଗନ୍ତାୟତ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।

ବିଦ୍ୟାଳୟର ପ୍ରାୟ ୬ଶହ ଛାତ୍ରଛାତ୍ରୀ ଦୌଡ଼, ଲଙ୍ଗଜମ୍ପ୍, ସଟଫୁଟ୍, ସାଇକେଲିଂ ଭଳି ପ୍ରାୟ ୨୫ଟି ବିଭାଗରେ ହୋଇଥିବା ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଏଥିରେ ସୁବାସ ହାଉସ୍ ଚାମ୍ପିଅନ ହୋଇଥିବା ବେଳେ ଗାନ୍ଧି ହାଉସ୍ ରନର୍ସ ହୋଇଥିଲେ । ଶିକ୍ଷୟିତ୍ରୀ ଭି. ସଙ୍ଗୀତା ଓ କାମିନୀ ନାୟକ ଖେଳ ପରିଚାଳନା କରିଥିବା ବେଳେ ବରିଷ୍ଠ ଶିକ୍ଷକ କେ. ବିଶ୍ୱନାଥ ମଞ୍ଚ ପରିଚାଳନା କରିଥିଲେ ।