ଅନେକ ଦିନରୁ ବଲିଉଡ଼ର ବହୁ ଚର୍ଚ୍ଚିତ ଅଭିନେତ୍ରୀ କ୍ୟାଟ୍ରିନା କେଫଙ୍କ ଭଊଣୀ ଇସାବେଲ୍ ବଲିଉଡ଼ରେ ପାଦ ରଖିବା ପାଇଁ ପ୍ରସ୍ତୁତି କରୁଛନ୍ତି । ବର୍ତ୍ତମାନ ଖୁବ୍ ଶିଘ୍ର ତାଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି । ଇସବେଲ ସଲମାନ୍ ଖାନ୍ଙ୍କ ଭିଣୋଇ ଆୟୁଷ ଶର୍ମାଙ୍କ ସହ ଫିଲ୍ମ ‘କ୍ୱାଥା’ରେ ନଜର ଆସିବାକୁ ଯାଉଛନ୍ତି । କରଣ ଲଲିତ ଭୁଟାନି ନିର୍ଦ୍ଧେଶିତ ଏହି ଫିଲ୍ମଟି ଭାରତୀୟ ସେନାରେ ଥିବା ଯବାନ ମାନଙ୍କର ଶାହାସିକତା ଉପରେ ଆଧାରିତ । ଆୟୁଷ ଶର୍ମା ଏକ ଆର୍ମି ଅଫିସର ଭୂମିକାରେ ନଜର ଆସୁଥିବା ବେଳେ ଇସାବେଲଙ୍କ ଭୂମିକାର କୈଣସି ସୂଚନା ମିଳିନାହିଁ ।
ସତ୍ୟ ଘଟଣା ଉପରେ ଆଧାରିତ ଏହି ଆକ୍ସନ-ଡ଼୍ରାମା ଫିଲ୍ମଟି ସେପ୍ଟେମ୍ବର ମାସରେ ଆରମ୍ଭ ହୋଇ ଆସନ୍ତା ବର୍ଷ ରିଲିଜ ହେବ ବୋଲି ସୂଚନା ମିଳିଛି । ଆୟୁଷ ଶର୍ମା ଫିଲ୍ମ ‘ଲଭ୍ୟାତ୍ରୀ’ ଜରୀଆରେ ବଲିଉଡ଼ରେ ଡ଼େବ୍ୟୁ କରିଥିଲେ । କିନ୍ତୁ ଏହି ଫିଲ୍ମ ସେତେଟା ସଫଳ ହାସଲ କରିପାରିନଥିଲା । ସେହିକାରଣରୁ ଆୟୁଷ ‘କ୍ୱାଥା’ ପାଇଁ ବେଶ୍ ପରିଶ୍ରମ କରୁଛନ୍ତି । ଫିଲ୍ମ ଏବଂ ନିଜ ଭୂମିକାକୁ ନେଇ ଆୟୂଷ କହିଛନ୍ତି, ବଡ଼ ପରଦାରେ ଆର୍ମି ଅଫିସର ଭୂମିକା ତୁଲାଇବା ମୋ’ପାଇଁ ଗର୍ବର କଥା । ମୁଁ ଏହାକୁ ନେଇ ଅନେକ ପରିମାଣରେ ଉତ୍ସାହିତ ଅଛି । ଏବଂ ଯଥାଶିଘ୍ର ଏହାର ସୁଟିଙ୍ଗ ଆରମ୍ଭ କରିବାକୁ ଚାହୁଁଛି ।
ଅନ୍ୟପଟେ ଇସାବେଲ୍ ଗତ ଚାରି ବର୍ଷ ହେଲା ବଲିଉଡ଼ରେ ଡ଼େବ୍ୟୁ ପାଇଁ ଚେଷ୍ଟା କରୁଛନ୍ତି । ସେ ଅଭିନୟ ସଙ୍ଗେସଙ୍ଗେ ହିନ୍ଦୀ ଭାଷା ମଧ୍ୟ ଶିଖୁଛନ୍ତି । ଫିଲ୍ମର ନିର୍ଦ୍ଧେଶକ କହିଛନ୍ତି, ଫିଲ୍ମ‘କ୍ୱାଥା’ରେ ଆୟୁଷ ଶର୍ମା ଏବଂ ଇସାବେଲ ଲିଡ଼୍ ରୋଲରେ ନଜରକୁ ଆସୁଥିବାରୁ ଆମେ ଖୁସି ମନେ କରୁଛୁ । କ୍ୱାଥା , ଭାରତ ଏବଂ ମିଆଂମାର ବର୍ଡ଼ର ମଝିରେ ଏକ ଗାଁର ନାମ ଏହି ଫିଲ୍ମ ସତ୍ୟ ଘଟଣା ଉପରେ ଆଧାରିତ ଏବଂ ଏହି ଫିଲ୍ମ ପାଇଁ ଆୟୁଷ ଏବଂ ଇସାବେଲ ପରଫେକ୍ଟ ଯୋଡ଼ି ।
Prasanta Patnaik