ଭୁବନେଶ୍ୱର : ମୌସୁମୀ ବାୟୁ ସକ୍ରିୟ ଥିବାରୁ ରାଜ୍ୟରେ ଆହୁରି ୪୮ ଘଣ୍ଟା ବର୍ଷା ଲାଗି ରହିବ। ହେଲେ ପ୍ରବଳ ବର୍ଷା ହେବାର ସମ୍ଭାବନା ନାହିଁ ବୋଲି ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି।
ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି, କଟକ ଓ ଭୁବନେଶ୍ୱର ସହିତ କୌଣସି ଜିଲ୍ଲା ପାଇଁ ହେଭି ରେନ୍ଫଲ୍ ୱାର୍ଣ୍ଣଂ ଜାରି ହୋଇନି। ତେବେ କିଛି ଅଞ୍ଚଳରେ ମଧ୍ୟମ ଧରଣର ବର୍ଷା ହୋଇପାରେ। ଉପକୂଳ ସମେତ ଉତ୍ତର ଓ ଦକ୍ଷିଣ ଓଡ଼ିଶାରେ ଝିପିଝିପି ବର୍ଷା ଲାଗି ରହିବ।
ଓଡ଼ିଶାରେ ଜୁନ୍ ପହିଲାରୁ ଏଯାବତ୍ ସ୍ୱାଭାବିକ ବୃଷ୍ଟିପାତ ହୋଇ ନଥିବା ବେଳେ ଆଗକୁ ମୌସୁମୀ ବାୟୁ ଅଧିକ ସକ୍ରିୟ ରହିବ। ଏହାର ପ୍ରଭାବରେ ବର୍ଷା ସ୍ୱାଭାବିକ ହେବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି।
ସେ ଆହୁରି କହିଛନ୍ତି, “ସମୁଦ୍ର ଅଶାନ୍ତ ରହୁଥିବାରୁ ୨୪ ଘଣ୍ଟା ପର୍ଯ୍ୟନ୍ତ ମତ୍ସଜୀବୀଙ୍କୁ ସମୁଦ୍ର ଭିତରକୁ ଯିବାକୁ ବାରଣ କରାଯାଇଛି। ୪୮ ଘଣ୍ଟା ପର୍ଯ୍ୟନ୍ତ କୌଣସି ଜିଲ୍ଲାରେ ହେଭି ରେନ୍ ଫଲ୍ ୱାର୍ଣ୍ଣିଂ ଜାରି କରାଯାଇ ନାହିଁ।”
Prasanta Patnaik