ଆରଏସପି କର୍ମଚାରୀଙ୍କ ନିମନ୍ତେ ଉଦ୍ଦିଷ୍ଟ ମେନେଜମେଣ୍ଟ ଓ ବିଜିନେସ କୁଇଜ ସମର୍ଥ ଅନୁଷ୍ଠିତ

ରାଉରକେଲା, ୨ା୮  : ସେଲର କର୍ମଚାରୀମାନଙ୍କ ନିମନ୍ତେ ବାର୍ଷିକ ଆଭ୍ୟନ୍ତରୀଣ କୁଇଜ ପ୍ରତିଯୋଗିତା ‘ସମର୍ଥ କୁଇଜ-୨୦୧୮’ର ପ୍ରାରମ୍ଭିକ ପର୍ଯ୍ୟାୟ ଏଚଆରଡି ସେଣ୍ଟର ଠାରେ ଜୁଲାଇ ୨୪ ତାରିଖରେ ଅନୁଷ୍ଠିତ ହୋଇଯାଇଛି । ଏଥିରେ ଆରଏସପିର ୧୮ଟି ଦଳ ଭାଗନେଇଥିଲେ । ଏହି କୁଇଜ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହୋଇଥିଲା ।

ଦ୍ୱିତୀୟ ପର୍ଯ୍ୟାୟ ନିମନ୍ତେ ଯୋଗ୍ୟତା ଅର୍ଜ୍ଜନ କରିଥିବା ଛଅଟି ଦଳ ମଧ୍ୟରେ କୋକ ଓଭେନ ବିଭାଗର ଓସିଟି ଶ୍ରୀ ସଞ୍ଜୟ କୁମାର ସାହୁ ଏବଂ ବୃନ୍ଦାବନ ନାୟକ ବିଜେତା ହୋଇଥିଲେ । ସହର ସେବା ବିଭାଗର ଏକଜିକ୍ୟୁଟିଭ ଆସିଷ୍ଟାଣ୍ଟ ସୁଶ୍ରୀ ମମତା ଦାସ ଏବଂ କୋକ ଓଭେନ ବିଭାଗର ଏସିଟି ଦୀପକ କୁମାର ଦେ ଦ୍ୱିତୀୟ ସ୍ଥାନ ହାସଲ କରିଥିଲେ ।

ଏହି ଦୁଇଟି ଦଳ ସେଲ ସ୍ତରୀୟ ଫାଇନାଲ ରାଉଣ୍ଡରେ ଅଂଶଗ୍ରହଣ କରିବେ । ପ୍ରକଳ୍ପ ଏମଏମ ବିଭାଗର ସିନିୟର ମ୍ୟାନେଜର ରବି ବଞ୍ଜାରେ କୁଇଜ ମାଷ୍ଟରର ଦାୟିତ୍ୱ ତୁଲାଇଥିଲେ । ଏଚଆରଡି ବିଭାଗର ଡେପୁଟି ମ୍ୟାନେଜର ଆର. ଏ. ଖାନ କାର୍ଯ୍ୟକ୍ରମ ପରିଚାଳନା କରିଥିଲେ ।