ଆତଙ୍କବାଦ ବିରୋଧରେ ଭାରତ-ଚାଇନା ମିଳିତ ସମରାଭ୍ୟାସ କରିବେ

ନୂଆଦିଲ୍ଲୀ  : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଏବେ ଚାଇନା ଗସ୍ତରେ ଅଛନ୍ତି। ଏହି ସମୟରେ ପାକିସ୍ତାନକୁ ଦୃଢ଼ ଜବାବ ଦେଇଛନ୍ତି ଚାଇନା ରାଷ୍ଟ୍ରପତି ଜିଙ୍ଗପିଙ୍ଗ୍। ଶୁକ୍ରବାରଠୁ ଦୁଇ ଦିନିଆ ଭାରତ ଗସ୍ତରେ ଜିଙ୍ଗପିଙ୍ଗ୍ ଆସିବା ପୂର୍ବରୁ ଆତଙ୍କବାଦ ବିରୋଧରେ ଭାରତ-ଚାଇନା ମିଳିତ ସମରାଭ୍ୟାସ କରିବେ ବୋଲି ଜିଙ୍ଗପିଙ୍ଗ ଭାରତକୁ ଆଶ୍ୱସ୍ତି ଦେଇଛନ୍ତି। ଚଳିତ ବର୍ଷ ଡିସେମ୍ୱରରେ ଏହି ଆଣ୍ଟି-ଟେରର ସମରାଭ୍ୟାସ ହେବାକୁ ଯାଉଛି।

ଶୁକ୍ରବାରଠୁ ଚେନ୍ନାଇର ମହାବଳିପୁରମରେ ଦୁଇ ଦିନିଆ ଅର୍ଥନୀତିକ ସମ୍ମିଳନୀ ରହିଛି। ଏହି ଅବସରରେ ଯୋଗ ଦେବା ପାଇଁ ଜିଙ୍ଗପିଙ୍ଗ୍ ଭାରତ ଆସୁଛନ୍ତି। ଏହି ସମ୍ମିଳନୀରେ ସେମିତି କୌଣସି ଏଜେଣ୍ଡା ସ୍ଥିର ହୋଇନାହିଁ। ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତଙ୍କବାଦ ବିରୋଧରେ ଦୃଢ଼ ପଦକ୍ଷେପ ନେବା ପାଇଁ ଚାଇନା ରାଷ୍ଟ୍ରପତିଙ୍କ ଆଗରେ ସମସ୍ତ ପ୍ରକାର ଚାପ ପକାଇବେ ବୋଲି ଜଣାପଡ଼ିଛି।