ଆଣ୍ଟିଗୁଆରେ ପଚରାଉଚୁରା ପାଇଁ ମେହୁଲ ଚୋକ୍‌ସିଙ୍କ ଆବେଦନକୁ ଅଗ୍ରାହ୍ୟ କଲା ପ୍ରବର୍ତ୍ତନ ନିର୍ଦେଶାଳୟ

ନୂଆଦିଲ୍ଲୀ : ଆଣ୍ଟିଗୁଆରେ ପଚରାଉଚୁରା କରାଯାଉ ବୋଲି ପଳାତକ ହୀରା ବ୍ୟବସାୟୀ ମେହୁଲ ଚୋକ୍‌ସି କରିଥିବା ଆବେଦନକୁ ଶନିବାର ଦିନ ପ୍ରବର୍ତ୍ତନ ନିର୍ଦେଶାଳୟ ଅଗ୍ରାହ୍ୟ କରି ଦେଇଛି। ଉଭୟ ଦତନ୍ତକାରୀ ଏଜେନ୍‌ସି ସିବିଆଇ ଓ ପ୍ରବର୍ତ୍ତନ ନିର୍ଦେଶାଳୟ ତାଙ୍କୁ ପଚରାଉଚୁରା କରିବାକୁ ଥିବାରୁ ସ୍ୱାସ୍ଥ୍ୟଗତ କାରଣ ଦର୍ଶାଇ ଭାରତକୁ ଯାଇ ପାରିବେ ନାହିଁ ବୋଲି ଚୋକ୍‌ସି ଆବେଦନ କରିଥିଲେ।

ପ୍ରବର୍ତ୍ତନ ନିର୍ଦେଶାଳୟ ଅଦାଲତଙ୍କୁ କହିଛି ଯେ ଆଣ୍ଟିଗୁଆରୁ ଚୋକ୍‌ସିଙ୍କୁ ଭାରତ ଫେରାଇ ଆଣିବାକୁ ସେମାନେ ଡାକ୍ତରୀ ବିଶେଷଜ୍ଞଙ୍କ ଏୟାର୍‌ଆମ୍ବୁଲାନ୍‌ସ୍‌ ଯୋଗାଇ ଦେବାକୁ ଆଗ୍ରହୀ। ଦେଶରେ ମଧ୍ୟ ତାଙ୍କୁ ସମସ୍ତ ପ୍ରକାର ଡାକ୍ତରୀ ସହାୟତା ଯୋଗାଇ ଦିଆଯିବ।