ପାଟଣା, ନଭେମ୍ବର ୧୬ : ବିହାର ବିଧାନସଭା ନିର୍ବାଚନର ଫଳାଫଳରେ ବିଜେପି ଏନଡିଏର ସବୁଠାର ବଡ଼ ଦଳ ଭାବେ ଉଭାହୋଇଛି । ରବିବାର ଘୋଷଣା କରାଯାଇଛି ଯେ ନୀତୀଶ କୁମାର ହିଁ ବିହାରରେ ଏନଡିଏ ସରକାରର ଦାୟିତ୍ୱ ନେବେ । ଏପର୍ଯ୍ୟନ୍ତ ବିହାରର ଏନଡିଏ ସରକାରରେ ଉପମୁଖ୍ୟମନ୍ତ୍ରୀ ଥିବା ସୁଶୀଳ ମୋଦୀ ଏଥର ଦାୟିତ୍ୱରେ ରହିବେ ନାହିଁ । ବିଜେପି ତାରାକିଶୋର ପ୍ରସାଦଙ୍କୁ ଦଳର ବିଧାନମଣ୍ଡଳ ଦଳର ନେତା ଓ ରେଣୁ ବାଳାଙ୍କୁ ଉପନେତା ଭାବେ ଚୟନ କରିଛି । ଦିଲ୍ଲୀରୁ ପାଟଣା ପହଂଚି କେନ୍ଦ୍ରମନ୍ତ୍ରୀ ରାଜନାଥ ସିଂହ ଏନଡିଏ ବିଧାୟକ ଦଳର ନେତାଙ୍କ ସହିତ ବିଜେପି ବିଧାୟକ ଦଳର ନେତା ଓ ଉପନେତା ନାମ ଚୟନ କରିଥିଲେ ।
ନୀତୀଶଙ୍କ ରେକର୍ଡ
-ନୀତୀଶ କୁମାର ପ୍ରଥମ ଥର ପାଇଁ ୨୦୦୦ ମସିହାରେ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ।
-ସେହି ସମୟରେ ବହୁମତ ନମିିଳବାରୁ ୭ ଦିନ ପରେ ତାଙ୍କୁ ଇସ୍ତଫା ଦେବାକୁ ପଡିଥିଲା ।
-୨୦୦୫ରେ ନୀତୀଶ କୁମାର ବିଜେପି ସହିତ ମେଣ୍ଟ କରି ନିର୍ବାଚନ ଲଢ଼ିଥିଲେ । ସେହି ସମୟରେ ପୂର୍ଣ୍ଣ ବହୁମତ ହାସଲ କରି ସରକାର ଗଢ଼ିଥିଲେ ।
-ତୃତୀୟ ଥର ପାଇଁ ନୀତୀଶ ୨୦୧୦ରେ ମୁଖ୍ୟମନ୍ତ୍ରୀ ହୋଇଥିଲେ ।
-୨୦୧୪ ଲୋକସଭା ନିର୍ବାଚନରେ ଭଲ ପ୍ରଦର୍ଶନ କରିପାରି ନୀତୀଶ କୁମାର ନିଜ ପଦରୁ ଇସ୍ତଫା ଦେଇଥିଲେ ଓ ଜେଡିୟୁର ଜୀନତରାମ ମାଂଝୀ ମୁଖ୍ୟମନ୍ତ୍ରୀ ହୋଇଥିଲେ ।
-କିନ୍ତୁ ପରେ ଜୀନନରାମଙ୍କୁ ଇସ୍ତଫା ଦେବାକୁ ପଡ଼ିଥିଲା ।
-୨୦୧୫ ଫେବୃୟାରୀ ୨୨ରେ ନୀତୀଶ ୪ର୍ଥ ଇନିଂ ଆରମ୍ଭ କରିଥିଲେ ।
-ବିଜେପି ଠାରୁ ଅଲଗା ହେବା ପରେ ନୀତୀଶ ୨୦୧୫ରେ ଆରଜେଡି ସହିତ ମେଣ୍ଟ କରିଥିଲା ଜେଡିୟୁ ।
-୨୦୧୫ ନଭେମ୍ବର ୨୦ରେ ନୀତିଶ ୫ଥର ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ।
-ନୀତୀଶ ଆରଜେଡି ଛାଡି ୨୦୧୭ ଜୁଲାଇ ୨୭ରେ ବିଜେପି ସହିତ ମେଣ୍ଟ କରି ପୁଣି ଥରେ ମୁଖ୍ୟମନ୍ତ୍ରୀ ହୋଇଥିଲେ ।
-ଏବେ ବିଧାନସଭା ନିର୍ବାଚନରେ ବିଜୟ ହାସଲ କରିବା ପରେ ନୀତୀଶ କୁମାର ୭ମ ଥର ମୁଖ୍ୟମନ୍ତ୍ରୀ ଭାବେ ଆଜି ଶପଥ ଗ୍ରହଣ କରିବେ ।
ଏଥର ମଧ୍ୟ ବିହାର ଜନତା ଏନଡିଏ ଉପରେ ଭରସା ରଖି ବିପୁଳ ଭୋଟ ଦେଇ ବିଜୟୀ କରାଇଛନ୍ତି । କିନ୍ତୁ ନୀତୀଶ କହିଥିଲେ ଯେ, ୨୦୨୦ ନିର୍ବାଚନ ପାଇଁ ଶେଷ ଲଢ଼େଇ । ଯେହେତୁ ନୀତୀଶ ଏହା ନିର୍ବାଚନ ପ୍ରଚାର ସମୟରେ ଘୋଷଣା କରିଥିଲେ, ସେ ବିହାରବାସୀଙ୍କୁ କ’ଣ ଦେଇ ରାଜନୀତିରୁ ବିଦାୟ ନେବେ, ତାହା ଆଗାମୀ ଦିନର ସମୟ କହିବ ।
Prasanta Patnaik