ନୂଆଦିଲ୍ଲୀ, ସେପ୍ଟେମ୍ବର ୨୦ : ଚାଷୀଙ୍କ ପାଇଁ ଅଣାଯାଇଥିବା ୩ଟି କୃଷି ବିଧେୟକକୁ ନେଇ ଆଜି ସଡ଼କରୁ ସାଂସଦ ଯାଏଁ ବିରୋଧ ପ୍ରଦର୍ଶନ ହେଉଛି । ଏହି ବିଧେୟକଙ୍କୁ ନେଇ ବିରୋଧୀ ଦଳର ନେତାମାନେ ଗରମ ଦେଖାଯାଇଛନ୍ତି । ଏନଡିଏର ସହଯୋଗୀ ଆକାଳୀ ଦଳ ମଧ୍ୟ ବିଦ୍ରୋହୀ ପାଲଟିଛି । କିନ୍ତୁ ସମସ୍ତ ବିରୋଧ ପରେ ବି ସରକାର ଆଜି ବିଧେୟକକୁ ରାଜ୍ୟସଭାରେ ଉପସ୍ଥାପନ କରିବାକୁ ଯାଉଛନ୍ତି । ସରକାରଙ୍କୁ ଆଶା ଯେ, ଏହା ରାଜ୍ୟସଭାରେ ଗୃହୀତ ହେବ । ଆସନ୍ତୁ ଜାଣିବା କେଉଁ ୩ଟି ବିଲ ଆଜି ରାଜ୍ୟସଭାରେ ଗୃହୀତ ହେବ ।
ବିରୋଧୀଙ୍କ ବିରୋଧର କାରଣ ହେଉଛି ଏହି ବିଲ
-କୃଷି ଉତ୍ପାଦନ ବ୍ୟାପାର ଓ ବାଣିଜ୍ୟ
-ମୂଲ୍ୟ ଆଶ୍ୱାସନ ଓ କୃଷି ସେବା ଉପରେ ଚାଷୀ ବିଲ
-ଆବଶ୍ୟକ ବସ୍ତୁ ସଂଶୋଧନ ବିଲ
୨୪୫ ସଦସ୍ୟ ବିଶିଷ୍ଟ ରାଜ୍ୟସଭାରେ ବିଜେପି ନେତୃତ୍ୱରେ ଏନଡିଏ ପାଖରେ ବହୁମତ ନାହିଁ । କିନ୍ତୁ ଅନେକ ଆଂଚଳିକ ଦଳ ବିଗତ ଅଧିବେଶନ ଗୁଡ଼ିକରେ ସରକାରଙ୍କୁ ସମର୍ଥନ ଜଣାଇଛନ୍ତି । ରାଜ୍ୟସଭାରେ ଏବେ ବହୁମତ ହେଉଛି ୧୨୨ । ବିଜେପି କହିଛି, ତାକୁ ୧୩୦ ସାଂସଦ ସମର୍ଥନ କରିବେ ।
ବିଜେପିକୁ ଏଆଇଡିଏମକେର ୯ ଜଣ ସାଂସଦ, ଟିଆରଏସର ୭ ଜଣ, ୱାଇଏସଆର କଂଗ୍ରେସର ୬ ଜଣ, ଶିବସେନାର ୩ ଜଣ, ବିଜୁ ଜନତା ଦଳର ୯ ଜଣ ଓ ଡିଡିପିର ଜଣେ ସାଂସଦ ସମର୍ଥନ କରିବା ଆଶା ରହିଛି । ରାଜ୍ୟସଭାରେ ବିଜେପିର ୮୬ ଜଣ ସାଂସଦ ଅଛନ୍ତି । ଯଦିଓ ସରକାରଙ୍କ ପାଖରେ ଏବେ ସଂଖ୍ୟା ଗରିଷ୍ଠତା ନାହିଁ, ତଥାପି ଏହା ହାସଲ କରିବାରେ ମଧ୍ୟ ଅସୁବିଧା ନାହିଁ ।
Prasanta Patnaik