ଭୁବନେଶ୍ୱର, ଏପ୍ରିଲ 5 : ଓଡିଶାରେ ପୁଣି ମାଡି ଚାଲିଛି କରୋନା । ଦୈନିକ ସଂକ୍ରମିତ ଚିହ୍ନଟରେ ଉପରମୁହାଁ କରୋନା ଗ୍ରାଫ । 500 ଟପିଛି ଦୈନିକ ସଂକ୍ରମିତ ଚିହ୍ନଟ ସଂଖ୍ୟା । ଆଜି ପୁଣି ରେକର୍ଡ ସଂଖ୍ୟକ କରୋନା ଭାଇରସ ଆକ୍ରନ୍ତ ଚିହ୍ନଟ ହୋଇଛନ୍ତି । ଗତ 24 ଘଣ୍ଟାରେ ରାଜ୍ୟରେ ଆଉ 573 କରୋନା ପଜିଟିଭ ଚିହ୍ନଟ ହୋଇଛନ୍ତି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ 96 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ରାଜ୍ୟରେ ଲଗାତାର 3 ଦିନ ହେଲା 400 ପାର କରୋନା ସଂକ୍ରମିତ ଚିହ୍ନଟ ହେଉଥିବା ବେଳେ ଆଜି ଏହି ସଂକ୍ରମଣ ଆହୁରି ବଢିଛି । କରୋନା ପୁଣି କାୟା ମେଲାଇ ଚାଲିଛି ।ସୁନ୍ଦରଗଡରୁ 80, ନୂଆପଡା 60, ବରଗଡ 43, ଝାରସୁଗୁଡା 39, ଅନୁଗୁଳ ଜିଲ୍ଲାରୁ 32 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । କଳାହାଣ୍ଡି 24, ବଲାଙ୍ଗୀର 20, କଟକ 28, ରାୟଗଡା 16, ମୟୂରଭଞ୍ଜ ଜିଲ୍ଲାରୁ 13 ଜଣ, ବାଲେଶ୍ୱରରୁ 11, କେନ୍ଦୁଝର ଓ ଗଞ୍ଜାମରୁ 8 ଜଣ ଲେଖାଏଁ କରୋନା ସଂକ୍ରମିତ ଚିହ୍ନଟ ।
ରାଜ୍ୟରେ କରୋନା ସଂକ୍ରମଣର ଦ୍ୱିତୀୟ ଲହର ଚାଲିଛି । ଅନେକ ସ୍ଥାନରେ ସଂକ୍ରମିତଙ୍କ ସଂଖ୍ୟା ବଢିଚାଲିଛି । ନୂଆ ଷ୍ଟ୍ରେନକୁ ନେଇ ଭୟ ବଢୁଛି ।
Prasanta Patnaik