ଭୁବନେଶ୍ୱର, ଜାନୁଆରୀ ୮ : ଆଜିଠୁ ରାଜ୍ୟରେ ଖୋଲିବ ସ୍କୁଲ୍ ଓ କଲେଜ୍ । କୋଭିଡ ଗାଇଡଲାଇନକୁ ପାଳନ କରି ଆରମ୍ଭ ହେବ ପାଠପଢ଼ା।
ସରକାରଙ୍କ ଅନୁମତି ପରେ ଦୀର୍ଘ ୯ ମାସ ପରେ ଦଶମ ଓ ଦ୍ବାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ଖୋଲୁଛି ସ୍କୁଲ୍ କଲେଜ । ସ୍କୁଲ୍ ଓ କଲେଜ ଗୁଡିକରେ ସାନିଟାଇଜ କରାଯାଇଛି । କୋଭିଡ ଗାଇଡଲାଇନ ପାଳନ କରି ସ୍କୁଲ୍ କଲେଜ୍ ରେ ପାଠପଢା ହେବ । ଗୋଟିଏ ଶ୍ରେଣୀରେ ୨୦ରୁ ୨୫ ଜଣ ଛାତ୍ରଛାତ୍ରୀ ବସିବେ । ଶ୍ରେଣୀ ଗୃହରେ ପିଲାଙ୍କ ମଧ୍ୟରେ ସାମଜିକ ଦୂରତା ଓ ମାସ୍କ୍ ବାଧ୍ୟତାମୂଳକ କରାଯିବ । ସ୍କୁଲ ପ୍ରବେଶ ପଥରେ ହ୍ୟାଣ୍ଡ ୱାସ ରହିବ ।
ସ୍କୁଲ ଓ କଲେଜରେ ପ୍ରବେଶ ପୂର୍ବରୁ ଛାତ୍ରଛାତ୍ରୀଙ୍କ ଥର୍ମାଲ ସ୍କ୍ରିନଂ କରାଯିବ । କଲେଜ ଖୋଲା ରହିବ । ଯୁକ୍ତ ଦୁଇ ଶେଷ ବର୍ଷ ଛାତ୍ରଛାତ୍ରୀଙ୍କୁ ୧୦୦ ଦିନ ଭିତରେ ସିଲାବସ ସାରିବାକୁ ନିର୍ଦେଶ ରହିଛି ।
ମାଧ୍ୟମିକ ଶିକ୍ଷା ବୋର୍ଡ ପରୀକ୍ଷା ଦେବା ପାଇଁ ଦଶମ ଶ୍ରେଣୀ ଛାତ୍ରଛାତ୍ରୀମାନଙ୍କ ନିମନ୍ତେ ଜାନୁଆରୀ ୮ ତାରିଖରୁ ଅପ୍ରେଲ ୨୬ ତାରିଖ ଓ ଉଚ୍ଚ ମାଧ୍ୟମିକ ଶିକ୍ଷା ପରିଷଦର ପରୀକ୍ଷା ଦେବା ପାଇଁ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀମାନଙ୍କ ପାଇଁ ଜାନୁଆରୀ ୮ରୁ ଅପ୍ରେଲ ୨୮ ପର୍ଯ୍ୟନ୍ତ କ୍ଲାସ ଚାଲିବ ।
Prasanta Patnaik