ଆଜିଠାରୁ ଚାଲିବ ଭୁବନେଶ୍ୱର-ଦୁର୍ଗ ସ୍ୱତନ୍ତ୍ର ଟ୍ରେନ, ନିଟ ପରୀକ୍ଷା ଲାଗି ଚାଲିବ ସ୍ୱତନ୍ତ୍ର ଟ୍ରେନ ବ୍ୟବସ୍ଥା

ଭୁବନେଶ୍ୱର, ସେପ୍ଟେମ୍ବର ୧୨ : ଭୁବନେଶ୍ୱର ଠାରୁ ଦୁର୍ଗ ସ୍ୱତନ୍ତ୍ର ଟ୍ରେନ ଆଜି ସନ୍ଧ୍ୟା ୭ଟା ୫୫ ମିନିଟରେ ଛାଡ଼ିବ । ବିଶାଖାପାଟଣା-କୋରବା-ବିଶାଖାପାଟଣା ସ୍ୱତନ୍ତ୍ର ଟ୍ରେନ ରାୟଗଡ଼ା ଦେଇ ଚାଲିବ । ସେହିପରି ଖୋର୍ଦ୍ଧାରୁ ଗୁଜୁରାଟ ଅଭିମୁଖେ ମଧ୍ୟ ଟ୍ରେନ ଚଳାଚଳ କରିବ । ଏହି ଟ୍ରେନ ମଙ୍ଗଳବାର, ଗୁରୁବାର, ଶୁକ୍ରବାର ଓ ଶନିବାର ସନ୍ଧ୍ୟା ୬ଟା ୪୦ରେ ଚାଲିବ ବୋଲି ପୂର୍ବତଟ ରେଳପଥ ପକ୍ଷରୁ କୁହାଯାଇଛି । ସ୍ୱତନ୍ତ୍ର ଟ୍ରେନ ଗୁଡ଼ିକ ବ୍ରହ୍ମପୁର ଷ୍ଟେସନରେ ମଧ୍ୟ ଅଟକିବ । ଟ୍ରେନ ଚଳାଚଳ କରିବା ପୂର୍ବରୁ ଷ୍ଟେସନରେ ସଫେଇ ଓ ସାନିଟାଇଜ କରାଯାଇଛି ।

ପୂର୍ବତଟ ରେଳପଥ ପକ୍ଷରୁ କୁହାଯାଇଛି ଯେ, ଆସନ୍ତାକାଲି ନିଟ ପରୀକ୍ଷା ଲାଗି ମଧ୍ୟ ରାଜ୍ୟର ବିଭିନ୍ନ ସ୍ଥାନରୁ ସ୍ୱତନ୍ତ୍ର ଟ୍ରେନ ଚାଲିବ । ଖରିଆରରୋଡରୁ ଟିଟିଲାଗଡ଼ ଦେଇ ସମ୍ବଲପୁର, ରାୟଗଡ଼ାରୁ ସମ୍ବଲପୁର, ଭଦ୍ରକରୁ କଟକ ଦେଇ ଭୁବନେଶ୍ୱର, କେନ୍ଦୁଝରରୁ ଭୁବନେଶ୍ୱର ଭାୟା କଟକକୁ ସ୍ୱତନ୍ତ୍ର ଟ୍ରେନ ଗଡ଼ିବ ।