ଭୁବନେଶ୍ୱର,ନଭେମ୍ବର 24: ଦିନକୁ ଦିନ ଖସୁଛି ପାରଦ । ଶୀତରେ ଥରିଲାଣି ଓଡ଼ିଶା । ରାଜ୍ୟର ୧୨ଟି ସହରରେ ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ସେଲସିୟସ ତଳକୁ ଖସିଛି । ଆଗକୁ ଆହୁରି ପାରଦ ଖସିବ, ବଢ଼ିବ ଶୀତ ।
ଓଡ଼ିଶାରେ ବଢୁଛି ଜାଡ଼ । ରାଜ୍ୟର କାଶ୍ମୀର କୁହାଯାଉଥିବା ଦାରିଙ୍ଗିବାଡ଼ିରେ ବଢୁଛି ଶୀତ । ସେଠାରେ ରାତିରେ ସର୍ବନିମ୍ନ ୯ ଡିଗ୍ରୀ ସେଲସିୟସ୍ ତାପମାତ୍ରା ରେକର୍ଡ କରାଯାଇଛି । ସେହିପରି ଫୁଲବାଣୀରେ ୧୧.୦, ସୋନପୁରରେ ୧୧.୪, ଅନୁଗୁଳରେ ୧୧.୬, ବାରିପଦାରେ ୧୨.୦, କେନ୍ଦୁଝରରେ ୧୨.୪ ଡିଗ୍ରୀ ସେଲସିୟସକୁ ଖସିଛି ତାପମାତ୍ରା ।
ତାଳଚେରରେ ୧୨.୫, ଭବାନୀପାଟଣାରେ ୧୩.୬, ଝାରସୁଗୁଡ଼ାରେ ୧୩.୮, କୋରାପୁଟରେ ୧୪.୦, କଟକରେ ୧୪.୫ ଓ ଚାନ୍ଦବାଲିରେ ରେକର୍ଡ ହୋଇଛି ୧୪.୮ଡିଗ୍ରୀ ସେଲସିୟସ୍ ତାପମାତ୍ରା । ଭୁବନେଶ୍ୱରରେ ତାପମାତ୍ରା ୧୬ ଡିଗ୍ରୀ ସେଲସିୟସକୁ ଖସିଛି । ରାଜ୍ୟର ବିଭିନ୍ନ ଜିଲ୍ଲାରେ ସକାଳୁ ସକାଳକୁ ଘନ କୁହୁଡ଼ି ଦେଖେବାକୁ ମିଳୁଛି । ପ୍ରବଳ କୁହୁଡି ଯୋଗୁଁ ଜାତୀୟ ରାଜପଥ-୪୯ ରେ ଗାଡି ଚଲେଇବା ମଧ୍ୟ ସମ୍ଭବପର ହେଉନାହିଁ ।
Prasanta Patnaik