ଅମାନିଆଙ୍କୁ ନିସ୍ତାର ନାହିଁ,ଗତକାଲି ଭଳି ଆଜି ମଧ୍ୟ ସମସ୍ତ ଦୋକାନ ବଜାର ଓ ପ୍ରତିଷ୍ଠାନ ବନ୍ଦ ରହିବ ।

ଓଡିଶା, ଏପ୍ରିଲ୍ 25 ରବିବାର ହେଉଛି ସଟଡାଉନର ଦ୍ୱିତୀୟ ଦିନ । ଶନିବାରଠାରୁ ରାଜ୍ୟରେ ଲାଗୁ ହୋଇଥିବା ସପ୍ତାହନ୍ତ ସଟଡାଉନ ଦ୍ୱିତୀୟ ଦିନରେ ପହଁଚିଛି । ଗତକାଲି ଭଳି ଆଜି ମଧ୍ୟ ସମସ୍ତ ଦୋକାନ ବଜାର ଓ ପ୍ରତିଷ୍ଠାନ ବନ୍ଦ ରହିବ ।

ସୂଚନା ଅନୁସାରେ, ଶନିବାର ସକାଳ 5 ଟା ଠାରୁ ସୋମବାର ସକାଳ ଯାଏ ବଳବତ୍ତର ରହିବ ସଟଡାଉନ୍ କଟକଣା । କେବଳ ଜଗିଙ୍ଗ ଓ ସାଇକେଲିଂ ପାଇଁ 5 ରୁ 6 ଟା ଏକ ଘଣ୍ଟା ପାଇଁ କଟକଣା କୋହଳ ହେବ । ତେବେ କଟକଣା ବେଳେ ତେବେ ଏହି ସମୟରେ ସମସ୍ତ ମେଡିକାଲ, କ୍ଲିନିକ୍, ନର୍ସିଂ, ହୋମ୍, ମେଡିସିନ୍ ଷ୍ଟୋର ଆଦି ଖୋଲା ରହିବ ।

 ଏତତ୍ ବ୍ୟତୀତ, ଟେଲିକମ୍ ସର୍ଭିସ୍, ପେଟ୍ରୋଲ ପମ୍ପ, ଏଲପିଜି ବିତରଣ କଟକଣା ମୁକ୍ତ ରହିବ ।  ପାନୀୟ ଜଳ ଯୋଗାଣ, ବିଦ୍ୟୁତ୍ ବିତରଣ, ମାଲପରିବହନକୁ କଟକଣାରୁ ବାଦ ଦିଆଯାଇଛି ।ସେହିପରି ଶିଳ୍ପ ଉଦ୍ୟୋଗ ଓ ନିର୍ମାଣ କାର୍ଯ୍ୟ ଚାଲିବ ।ତେଜରାତି, ଆମିଷ ଓ କ୍ଷୀର ଦୋକାନ ଖୋଲା ରହିବ । ଆହୁରି ମଧ୍ୟ ରେଳ ଓ ବିମାନ ସେବା ଜାରି ରହିବ । ଯାତ୍ରୀଙ୍କୁ ଷ୍ଟେସନ୍ ଓ ବସଷ୍ଟାଣ୍ଡରୁ ଟିକେଟ୍ ଦେଖାଇ ଟାକ୍ସି ଗୁଡିକ ନେବା ଆଣିବା କରିପାରିବେ । 

ତେବେ ସପ୍ତାହାନ୍ତ ସଟଡାଉନର ପ୍ରଥମ ଦିନରେ କିଛି ଅମାନିଆଙ୍କୁ ପୋଲିସ ସାବାଡ଼ କରିଥିଲା ।ଏପରିକି ଫାଇନ ମଧ୍ୟ ଲଗାଇଥିଲା । ରବିବାର ମଧ୍ୟ କଟକଣା କଡାକଡି ହେବା ସହ ଯାଂଚକୁ ଜୋରଦାର କରାଯିବ ବୋଲି ଜଣା ପଡ଼ିଛି ।